بامیان خوفسیزلیک مسئوللری نینگ ایتیشلریچه، اوشبو ولایت مرکزی اطرافیده جایلشگن «سران سرخ‌در» منطقه‌سیده یوز بیرگن ترافیکی حادثه نتیجه‌سیده، توقیز کیشی اولیب و یره‌لنگن.
بامیان امنیه قوماندانلیگی سوزلاوچیسی محمدخوانی رسا نینگ ایتیشیچه، اوشبو ترافیکی حادثه بوگون ایرتنگ چاغی (شنبه، ۲۰-اسد)، ساعت ۰۸:۳۰ اطرافیده، «نیسان» رسوملی بیر موتر بیلن «توربو» رسوملی یوک تاشووچی بیر موتر نینگ توقنشووی نتیجه‌سیده یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب رسا نینگ کوپه‌یتیریشیچه، مذکور ترافیکی حادثه‌ده بیر عیال و بیر باله شامل ایکی کیشی اولیب و باشقه ییتی کیشی ایسه یره‌لنگن.
بامیان امنیه قوماندانلیگی سوزلاوچیسی نینگ کوپه‌یتیریشیچه، یره‌لنگنلر دوالنیش مقصد کسل‌خانه گه انتقال بیریلگن.
بیزلرنینگ فیسبوک صحیفه‌میزگه باش اورینگ!
ایتیلیشچه، اوشبو ترافیکی حادثه سببی حاضرگچه بیللی ایمس، بیراق مملکت نینگ قطار ولایت‌‌لری جمله‌دن بامیان ده یوز بیره‌دیگن ترافیکی حادثه‌لردن کوپینچه‌سی نینگ سببی، هیداوچیلر نینگ احتیاط‌سیزلیگی و سرک‌لر بوزوق‌لیگی دییلگن.
