بامیان محلی مسئوللری نینگ ایتیشلریچه، اوشبو ولایت شیبر تومنی نینگ «پایموری» ساحه‌سیده یوز بیرگن ترافیکی حادثه نتیجه‌سیده، ایکی عیال شامل بیش کیشی اولیب و ایکی کیشی ایسه یره‌لنگن.
بیزلرنینگ «ایکس» ترماغی ده هم تعقیب قیلینگ!
بامیان حاکمی سوزلاوچیسی عبدالصبور فرزان سیغانی نینگ ایتیشیچه، اوشبو حادثه بوگون (جمعه، ۱۲-اسد)، توش‌دن آلدین ساعت ۱۰:۳۰ اطرافیده، «کرولا» رسوملی بیر موتر بیلن یوک تاشووچی بیر موتر نینگ توقنشووی سبب یوز بیرگن.
بامیان حاکمی سوزلاوچیسی، مذکور حادثه نتیجه‌سیده بیر باله و بیر ییگیت نینگ یره‌لنگنی نی بیان قیلیب و کوپه‌یتیریشیچه، یره‌لنگن ییگیت نینگ احوالی آغیر دیر.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، هیداوچیلر نینگ احتیاط‌سیزلیگی، ترافیکی قاعده-قانون نینگ رعایت ایتیلمسلیگی و سرک‌لر بوزوق‌لیگی، افغانستان ده ترافیکی حادثه‌لر نینگ یوز بیریشی‌گه سبب بولگن اصلی عامللریدن دییله‌دی.
