بلخ ولایتی محلی مسئوللری نینگ ایتیشلریچه، سوو تاشقین‌لریدن زیان کورگن عایله‌لر گه یاردم بیریش مقصد، بغلان ولایتی گه آزیق-آوقت محصولاتی بیلن بیر قطار نرسه یوباریلگن.
بلخ ولایتی ییتکرمه‌لر مرکزی نینگ اعلام قیلیشیچه، اوشبو ولایت حاکمی محمدیوسف وفا نینگ بویروغی بیلن انسان‌پرورلیک یاردم‌لر یوکلنگن ۹ موتر بغلان گه یوباریلگن.
بیزلرنینگ «ایکس» ترماغی ده هم تعقیب قیلینگ!
مذکور یاردم‌لر اوتگن کون (یک‌شنبه، ۲۳-ثور)، بلخ محلی حکومتی نینگ مالی حمایتی بیلن بغلان ولایتیده سوو تاشقین‌لردن زیان کورگنلر گه بشری یاردم یره‌تیش و حمایت قیلیش مقصد، یوباریلگن.
بلخ طبیعی حادثه‌لر گه قرشی کوره‌ش اداره‌سی باشلیغی بشیراحمد بشرانی نینگ ایتیشیچه، مذکور یاردم‌لر اون، برنج، یاغ، گوشت، چادر، کییم-کیچک و باشقه بیر قطار نرسه‌لردن عبارت دیر.
بیزلرنینگ فیسبوک صحیفه‌میزگه باش اورینگ!
ایتیش کیره‌ک، ۲۱-ثور، جمعه کونی بغلان ده یوز بیرگن سوو تاشقین‌لری عاقبتیده، اوشبو ولایت یشاوچیلری گه کوپینچه جانی و مالی زیان‌لر ییتیشگن.
