بلخ ده خصوصی مؤسسه‌لردن بیری «خلق‌ارا ناگران‌لر نینگ بیردم‌لیک» کونی مناسبتی بیلن قیینچیلیک‌لر، خواست‌لر و خواطرلر حلی اوچون ییغیلیش اوتکزدی.
اوشبو ییغیلیش بلخ محلی مسئوللری و ناگران‌لر نینگ حضوری بیلن بوگون (یکشنبه، ۱۹-قوس)، بلخ مرکزی مزارشریف شهری ده اوتکزیلگن.
مذکور ییغیلیش ده اشتراک ایتگن ناگران‌لر، ایش فرصت‌لری یوق‌لیگی، ساغلیق و تعلیم خذمت‌لری کورسه‌تیلمسلیگی و انسان پرورلیک یاردم‌لر بیریلمسلیگینی، اساسی قیینچلیک‌لریدن عنوان قیلگنلر.
بیزلرنینگ فیسبوک صحیفه‌میزگه باش اورینگ!
اولر سرپرست حکومت دن، ناگران‌لرنی قوللب-قوتلش مقصدیده تعلیم و ایش فرصت‌لری یره‌تیلیشنی طلب قیله‌دیلر.
بلخ ده ایاغ دن ناگران علی‌رضا کیمیاگر نینگ سلام‌وطندار گه ایتیشیچه: «مین انجنیرلیک فاکولته‌سیدن فارغ بولگن من؛ بیراق حاضر بیکار من. فعال حضوریمیز بولیش اوچون حکومت دولت اداره‌لریده استخدام قیلیشی کیره‌ک.»
بلخ ده‌گی ناگران‌لردن باشقه بیری عزت‌الله گه کوره: «قیش دیر، ییگولیک و یاقیلغی ماده‌میز یوق، حکومت بیزنی قوللب-قوتلشی درکار. انسان پرورلیک یاردم‌لر گه ثبت‌نام قیلیش‌لرینی ایسته‌یمیز.»
شو بیلن بیرگه، بلخ محلی مسئوللری، ناگران‌لر نینگ قیینچیلیگینی حل قیلیش اوچون سعی‌وحرکت قیله‌یاتگنلریدن ایشانچ بیریب ایتیشیچه، حکومت بو کیشی‌لر گه یاردم بیریشنی اولویت بیره‌دی.
بیزلرنینگ «ایکس» ترماغی ده هم تعقیب قیلینگ!
بلخ شهیدلر و ناگران‌لر باشلیغی جان‌محمد حکمت نینگ ایتیشیچه: «حاضرگچه اوچ مینگ ۵۰۰ ناگران رویخط گه آلینگن و دولت باشقه نهادلر نینگ اویغون‌لیگی بیلن تعیینلنگن آی‌لیک‌لری گه قوشیمچه یاردم بیریشنی ایسته‌یدی. ساغلیق‌نی سقلش و معارف ریاست‌لری هم ناگران‌لرنی قوللب-قوتلش مقصدیده سعی‌وحرکت قیلماقده.»
رسمی معلومات اساسیده، مملکت بویلب ایکی میلیون ناگران دن ۱۳ مینگ ته‌سی بلخ ده حیات کیچیرماقده.
