بلخ مرکزی مزارشریف شهری بلدیه ریاستی مسئوللری، ۲۸-قوس، چهارشنبه کونی اوشبو ولایتده ۱۸ میلیون افغانیلیک اوچته قوریلیش لایحه ایشی باشلنگنیدن خبر بیرگنلر.
مسئوللرنینگ ایتیشلریچه، اوشبو قوریلیش لایحهلر قریب ایکی کیلومتر سرکنینگ اسفالتلنیشی و جغلتشلنیشی و ۶۴۰ متر یولگه موزاییک ایشلهتیلیشیدن عبارت دیر.
بیزلرنینگ فیسبوک صحیفهمیزگه باش اورینگ!
مزارشریف شهرینینگ سکتوری بولیم مسئولی احمدجاوید مایار گه کوره، مذکور لایحهلرنینگ قوریلیش خرهجتی بیرلشگن ملتلر تشکیلاتینینگ لایحه خذمتلری ادارهسی «UNOPS» آرقهلی توللنهدی.
جناب مایارنینگ کوپهیتیریشیچه، بلخ ولایتی مرکزی مزارشریف شهرینینگ اوچ منطقهسیده عملگه آشیریلهدیگن بو لایحهلر، شهر گوزهللیگی بیلن یشاوچیلرگه آسایشتهلیک یرهتیلیشیدن تشقری، قریب ۶۰۰ کیشی گه ایش زمینهسینی یرهتگن.
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، محل یشاوچیلر اوشبو سرکلرنینگ قوریلیش ایشی باشلنگنیدن خورسندلیک قیلیب و ایتیشلریچه، بوندن آلدین بو توغریده کوپینچه قیینچیلیکلر بیلن روپهره ایکنلر.
