بلخ محلی مسئوللری نینگ ایتیشلریچه، اوشبو ولایت نینگ چتمال تومنیده ۸۰۰ مینگ دالرلیک بیر «برق سب‌استیشنی» فایده‌لنیشگه تاپشیریلگن.
۲۴ ساعت ایچیده بیر مینگ ۲۰۰ عایله گه برق ییتکیزیش کوچی گه ایگه مذکور برق سب‌استیشنی، چهارشنبه کونی، ۱۸ اسد، بلخ محلی مسئوللری حضوری بیلن فایده‌لنیشگه تاپشیریلگن.
بیزلرنینگ فیسبوک صحیفه‌میزگه باش اورینگ!
بلخ برشنا ریاستی باشلیغی سردارمحمد ثاقب نینگ ایتیشیچه، اوشبو سب‌استیشن بیش آی ایچیده توزه‌تیلگن و خرجتی افغانستان برشنا شرکتی تامانیدن توله‌نیلگن.
ثاقب جنابلری نینگ کوپه‌یتیریشیچه، مذکور سب‌استیشن جهازلری اوچون تخمیناً ۶۰۰ دالر و بناسی اوچون ۲۰۰ دالر صرفلنگن.
بلخ برشنا ریاستی مسئوللری گه کوره، چتمال تومنیده قریب بیش مینگ عایله نی برق بیلن تأمینلش مقصدیده سعی‌وحرکت قیلماقده‌لر.
اوشبو سب‌استیشن نی فایده‌لنیشگه تاپشیریش مراسمی گه اشتراک ایتگن بلخ حاکمی محمدیوسف وفا، مذکور ولایت یشاوچیلری گه قولی‌لیک یره‌تیش و مملکت آبادانچیلیگی اوچون اسلام امیرلیگی نینگ فعالیت‌لری دوام ایتیشیدن ایشانچ بیرگن.
بیزلرنینگ توییترده هم تعقیب قیلینگ!
بلخ حاکمی، مذکور ولایت اهالیسی دن اسلام امیرلیگی حکومتی نینگ پایه‌لری مستحکم‌لنیشی اوچون، حاکم نظام بیلن همکار بولیش‌لرینی طلب قیلگن.
چمتال تومنی یشاوچیلریدن قطاری، مذکور سب‌استیشن فایده‌لنیشگه تاپشیریلیشی و برق بیلن تأمینلنیش‌لریدن خورسندلیک قیله‌دیلر.
ایتیش کیره‌ک که، بوندن آلدین چمتال تومنی یشاوچیلری اوشبو تومنده دایمی برق یوق‌لیگیدن شکایت قیلگنلر.