بلخ ده بیر سوداگر تامانیدن بیر میلیون دالر خره‌جت بیلن یاغ ایشلب چیقریش، تصفیه و پروسس ایش‌خانه‌سی نینگ قوریلیش تمل تاشی قوییلگن.
چیت‌ایل یاغ‌لر وارد بولینیشی نینگ کمه‌یشی و ییگولیک ماده‌لر بولیمی‌ده خودکفالیککه ایریشیش مقصد قوریله‌دیگن اوشبو ایش‌خانه نینگ ایشی، اوتگن کون (پنج‌شنبه، ۴-عقرب)، بلخ ولایتی مرکزی مزارشریف ده باشلنگن.
بیزلرنینگ «ایکس» ترماغی ده هم تعقیب قیلینگ!
مذکور ایش‌خانه نماینده‌سی محمدافضل افضلی نینگ ایتیشیچه، ۲۴ ساعت‌ده ۲۰ تُن یاغ ایشلب چیقریش امکانیتی گه ایگه بولگن بو بولیم نینگ فعالیتی باشلنیشی بیلن، ۱۲۰-۱۵۰ کیشی گه ایش فرصتی یره‌تیلیشی ممکن.
عین حالده، بلخ ده محلی مسئوللردن قطاری، بو اقدام‌دن خورسند‌لیک بیلدیریب ایتیشلریچه، یاغ ایشلب چیقریش ایش‌خانه‌لر قوریلیشی، چیت‌ایل یاغ‌لر وارد بولینیشی نینگ کمه‌یشی یانیده، شونینگدیک ایکینچیلیک محصوللر گه ساتیش بازار یره‌تیله‌دی.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن بلخ ده ایکینچیلردن قطاری سوداگرلردن، اولردن حمایت بولینیشی و ایکینچیلیک محصوللر گه ماس بازار یره‌تیلیشی اوچون، مملکت ایچیده سرمایه یاتقیزیشلری نی ایسته‌گنلر.
ایتیش کیره‌‌ک که، افغانستان ده سونگی سیاسی اوزگریشلردن کیین، مملکت ایچیده سرمایه یاتقیزیلیش کمه‌یگن، بیراق بو کبی تولیدی ایش‌خانه‌لر نینگ ایجاد بولیشی، اهالی اوچون بیر امید یره‌ته‌دی.