بلخ‌نینگ مخصوص تعلیملر لیسه‌سی، بوگون (۱۱-قوس، یکشنبه)، اوشبو ولایت مرکزی مزارشریف شهری‌ده ایشیتیش و کوریش قابلیتی‌دن محروم بولگن اوقووچیلر‌نینگ صناعتی اثرلری بیلن قول صناعتی‌نینگ بیر کون‌لیک کورگزمه‌سی اوتکزیلگن.
مذکور کورگزمه‌ده، اوشبو اوقووچیلر‌نینگ قریب ۴۰ ته قول صناعتی، رسام‌لیک، نقاش‌لیک و صناعتی اثرلری نمایش‌‌گه قوییلگن.
بیزلرنینگ «ایکس» ترماغی ده هم تعقیب قیلینگ!
بلخ‌نینگ مخصوص تعلیملر لیسه‌سی مسئوللری، اوشبو کورگزمه‌نینگ یولگه قوییلگنی‌دن مقصد، ناگران کیشی‌لر‌نینگ استعداد‌لری و کوچلری‌نی بیلدیریش دیب و ناگران کیشی‌لر‌نینگ کوپراق قوللب-قوتلنیشی‌نی ایسته‌گنلر.
مذکور لیسه آمری عزت‌الله طیب‌نینگ ایتیشیچه، تعلیم بیریش پروسه‌سیده جای و امکانیت کم‌لیگی بیلن روپه‌ره‌لر.
بلخ‌نینگ مخصوص تعلیملر لیسه‌سی آمری‌نینگ کوپه‌یتیریشیچه: «بو لیسه‌ده ناگران کیشی‌لر گه مخصوص درسی ماده‌لر، ستندرد تعلیمی صنف‌لر و بنالر، کمپیوتر صنفی و صناعت بولیمی‌ده ایش اوسکونه‌لری‌گه نیازیمیز بار که بو توغریده توجه قره‌تیلیشی کیره‌ک.»
بلخ‌نینگ مخصوص تعلیملر لیسه‌سی‌ده‌گی اوقووچیلردن بلال، ناگران کیشی‌لر گه کوپراق ایش و تعلیمی فرصت‌لر یره‌تیلیشی‌گه تاکید‌لب و ایتیشیچه، ناگران‌لیک چیکلاو ایمس.
بیزلرنینگ فیسبوک صحیفه‌میزگه باش اورینگ!
کوزدن عاجز بولگن مذکور ییگیت‌نینگ ایتیشیچه: «مکتب‌نی بیتیرگنیمیز‌دن کیین، دولتی کانکور گه شرکت قیله آلمه‌یمیز. دولتی نهاد‌لرده مناسب حصه بیریلمه‌یدی. بیزلر گه مناسب فرصت یره‌تیلگنی صورت‌ده، خودکفالیککه ییتیشه آله‌میز.»
معلومات اساسیده، بلخ‌نینگ مخصوص تعلیملر لیسه‌سیده، حاضر ایشیتیش و کوریش قابلیتی‌دن محروم بولگن ۱۲۴ اوقووچی تعلیم کورماقده.
