بغلان خوفسیزلیک مسئوللری، اوشبو ولایت ده یوز بیرگن ایکی ترافیکی حادثه عاقبتیده ایکی کیشی هلاک بولیب و باشقه ییتتی کیشی یره‌لنگنیدن خبر بیرگنلر.
بغلان ترافیک مدیریتی ترافیکی حادثه‌لرنی تیکشیریش آمری صفی‌الله عمری نینگ سلام‌وطندار گه ایتیشیچه، دستلبکی حادثه چهارشنبه کونی، ۱۰ جوزا، توش دن آلدین مرکزی بغلان ده یوز بیریب و نتیجه ده بیر کیشی هلاک بولیب و باشقه ایکی کیشی یره‌لنگن.
بیزلرنینگ فیسبوک صحیفه‌میزگه باش اورینگ!
بغلان ترافیک مدیریتی ترافیکی حادثه‌لرنی تیکشیریش آمری نینگ کوپه‌یتیریشیچه، پلخمری شهری دن قندوز تامان یوللنگن «کرولا» رسوملی بیر موتر، مرکزی بغلان «قبلندره» منطقه‌سیده یول دن چیقیب قوله‌گن.
صفی‌الله عمری گه کوره، حادثه طفیلی موتر هیداوچی قربان بولیب و یره‌لنگن ایکی یولاوچی، قندوز ولایتی کسلخانه‌سیگه انتقال بیریلگن.
شونینگدیک، بغلان ده یوز بیرگن ترافیکی باشقه حادثه ده بیش کیشی یره‌لنگن.
بغلان ترافیک مدیریتی ترافیکی حادثه‌لرنی تیکشیریش آمری گه کوره، اوتگن کونی توش دن کیین ساعت ۴:۰۰ اطرافی ده، کابل دن اوشبو ولایت مرکزی پلخمری تامان یوللنگن «کرولا» رسوملی موتر، پلخمری شهری «مردان‌خیل کیله‌گی» منطقه‌سیده یول دن چیقیب چپه بولگن.
بیزلرنینگ توییترده هم تعقیب قیلینگ!
عمری نینگ آرتیقلشیچه، مذکور واقعه عاقبتیده ایکی ایرکک و اوچ عیال یره‌لنگن و اولر محل یشاوچیلری تامانیدن پلخمری ولایتی کسلخانه‌سی گه انتقال بیریلگنلر.
ایتیش کیره‌ک که، سونگی کون‌لرده مملکت نینگ قطار ولایت‌لریده هیداوچیلر نینگ دقت‌سیزلیگی و یوللر بوزوق‌لیگی باعث، ترافیکی حادثه‌لر یوز بیریب و یشاوچیلردن قربان‌لیک آلماقده.
