بغلان خوفسیزلیک مسئوللری نینگ تصدیق قیلیشلریچه، پنج‌شنبه کیچه، ۱-قوس، ناتانیش قوراللی کیشیلر اوشبو ولایت نهرین تومنی‌ده جایلشگن بیر زیارت‌ده، نماز اوقووچیلرگه هجوم اویوشتیریب، «ذکر» بیلن مشغول بولگن ۱۰ ته نماز اوقووچینی اولدیرگن.
بیزلرنینگ فیسبوک صحیفه‌میزگه باش اورینگ!
بغلان امنیه قوماندانلیگی سوزلاوچیسی شیراحمد برهانی نینگ ایتیشیچه، اوشبو هجوم‌ده نهرین تومنی‌نینگ ۱۰ یشاوچسی «سیدپادشاه آغا سادات» زیارتی‌ده، ذکر قیلیشلری چاغیده اولدیریلگنلر.
شونینگدیک بغلان امنیه قوماندانلیگی‌نینگ خوفسیزلیک آمری عبدالغیور خادم نینگ ایتیشیچه، پولیس کوچلری وقتراق واقعه محلی‌گه باریب و بو واقعه گه تیگیشلی نیچه کیشینی قولگه آلگنلر.
بغلان امنیه قوماندانلیگی خوفسیزلیک آمری‌نینگ کوپه‌یتیریشیچه، بو توغریده تیکشیروولر‌‌نینگ دوامی بار.
بیزلرنینگ «ایکس» ترماغی ده هم تعقیب قیلینگ!
حاضرگچه بو واقعه مسئولیتی نی بیرار کیشی یا-ده گروه بوینیگه آلمه‌گن.