بادغیس محلی مسئوللری نینگ ایتیشلریچه، مذکور ایکی واقعه دوشنبه کونی، ۳ دلو، اوشبو ولایت نینگ تگاب‌عالم و جوند تومن‌لریده یوز بیرگن.
بادغیس حاکمی سوزلاوچیسی احمدجان حنظله نینگ سلام‌وطندار گه ایتیشیچه، «عیدمحمد» اسملی ۱۶ یاشر بیر ییگیت مذکور ولایت نینگ تگاب‌عالم تومنیده، ابه‌سی نینگ اوغلی بیرگه‌سیده قورال بیلن اوینش چاغیده ناآگاه اوق آتیلیشی عاقبتیده هلاک بولگن.
بیزلرنینگ فیسبوک صحیفه‌میزگه باش اورینگ!
بادغیس حاکمی سوزلاوچیسی اوشبو واقعه قصدی ایمسلیگینی بیلدیریب ایتیشیچه: «ایکی ایناغه نینگ فرزندلری قورال بیلن اوینش چاغیده ناآگاه اوق آتیلیب و ۱۶ یاشر ییگیت هلاک بولگن.»
شونینگدیک بادغیس حاکمی سوزلاوچیسی نینگ کوپه‌یتیریشیچه، اوشبو ولایت نینگ جوند تومنیده باشقه بیر حادثه ده، «قلندر» اسملی بیر کیشی نامعلوم قوراللی کیشی‌لر تامانیدن اوققه توتیلیب اولدیریلگن.
بیزلرنینگ توییترده هم تعقیب قیلینگ!
بادغیس حاکمی سوزلاوچیسی گه کوره، مذکور حادثه اوتگن کون «یکمروت و کازک لاله بای» قیشلاغ‌لری یولی ده یوز بیرگن.
جناب حنظله نینگ کوپه‌یتیریشیچه، اسلام امیرلیگی کوچلری حادثه عاملینی قولگه آلیش مقصدیده سعی‌وحرکت قیلماقده‌لر.
اوشبو حادثه سببی حاضرگچه بیللی ایمس.
