بادغیس یشاوچیلری و دهقان‌لریدن بیرقطاری، اوشبو ولایت نینگ پسته اورمان‌لری گه چیگیرتکه‌لر هجومی دن خواطر بیلدیریب ایتیشلریچه، بوتوغریده دولت و باشقه همکار نهادلر دقت قیلمه‌گن تقدیرده، چیگیرتکه‌لر پسته اورمان‌لری گه علاوه باشقه ایکین‌لرینی بوتونلی یوق ییتیشی ممکن.
اولر، پسته اورمان‌لری گه چیگیرتکه‌لر نینگ هجوم قیلگنیدن ایکی هفته اوتسه ده، لیکن آلدینی آلیش گه کوچ‌لری ییتمه‌گنینی معلوم قیله‌دیلر.
بیزلرنینگ فیسبوک صحیفه‌میزگه باش اورینگ!
بادغیس یشاوچیلریدن جمعه‌گل نینگ ایتیشیچه: «پل‌کهنه و چهل‌کهنه ده چیگیرتکه‌لر هجوم قیلیب پسته درخت‌لری نینگ میوه و برگ‌لرینی ییماقده. کوپ زیان ییتکیزگن. لنگر تومنی یشاوچیلری نیمه قیلیشنی بیلمه‌یدییلر.»
بادغیس ده‌گی دهقان‌لردن خدابخش گه کوره: «بالامرغاب و غورماچ گه چیگیرتکه‌لر هجوم قیلگن. حکومت دن بوتوغریده دقت قیلیشینی ایسته‌یمیز. قورغاقچیلیک باعث زیان کورگن‌میز، چیگیرتکه‌لر هجومی دن تشویش ده میز. دولت دن بیز گه یاردم بیریشینی ایسته‌یمیز.»
بادغیس ایکینچیلیک مسئوللری، مذکور ولایت نینگ جوند، تگاب عالم، دره‌بوم و بالامرغاب تومن‌لریده چیگیرتکه‌لر هجومینی تصدیقلب ایتیشلریچه، اولر ایکینچیلیک وزیرلیگی و باشقه همکار نهادلر یاردمی بیلن پسته اورمان‌لری و ایکینچیلیک محصولات‌لر گه چیگیرتکه‌لر هجومینی آلدینی آلیش مقصدیده، سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
بادغیس ایکینچیلیک باشلیغی عبدالحی منیر نینگ ایتیشیچه: «بعضی جای‌لرده بوغدای و بعضی جای‌لرده زیره گه هجوم قیلگن، سغاو منطقه‌سیده پسته اورمان‌لری گه هجوم قیلگن. تأسف بیلن بادغیس ده اونچه‌لیک امکانیت یوق. بیز یالغیز دارو تدبیرینی کورگن‌میز.»
بادغیس یشاوچیلری و دهقان‌لری، اوشبو ولایت ده چیگیرتکه‌لر هجومی دن عین‌حالده خواطر بیلدیرماقده‌لر که، نیچه کون آلدین خلق‌ارا آزیق_آوقات تشکیلاتی، چیگیرتکه‌لر افغانستان شمالی ولایت‌لری نینگ ایکین‌لری گه هجوم قیلیب و تیزلیک بیلن آلدی آلینمه‌گن تقدیرده دهقان‌لر گه کوپ زیان ییتکیزیشیدن آگاه‌لنتیرگن.