بدخشان امنیه قومندانلیگی نینگ مطبوعات دفتری بیر خبرنامه ترقه‌تیش بیلن ایتیشیچه، اوتگن کون (پنج‌شنبه، ۲۹-سرطان)، عصر چاغی، ایکی اوقووچی شامل اوچ کیشی، بدخشان نینگ کوکچه دریاسی‌گه سوزیش چاغیده چوکیب کیتگن.
مذکور خبرنامه‌ده کیلیشیچه، اولردن بیرته‌سی محل یشاوچیلری آرقه‌لی قوتقریلگن، بیراق اولردن ایکی‌ته‌سی ایسه کوکچه دریاسی گه چوککن دیر.
بیزلرنینگ توییترده هم تعقیب قیلینگ!
بدخشان امنیه قوماندانلیگی سوزلاوچیسی احسان‌الله کامگار نینگ سلام‌وطندار گه ایتیشیچه، سوو گه چوککن اوقووچیلردن بیرته‌سی نینگ جسدی حاضرگچه تاپیلمه‌گن و مذکور اوقووچی نینگ جسدی تاپیلیشی خصوصیده سعی‌وحرکت‌لر دوام ایتماقده.
ایتیش کیره‌ک که، هر ییلی بدخشان یشاوچیلریدن بیرقطاری سوزیش و سوو آلیش باعث، کوکچه دریاسی‌گه چوکیب و قربان بوله‌دیلر.
