بدخشان معارف ریاستی مسئوللری نینگ ایتیشلریچه، اوشبو ولایتده اوتگن کون (۲۵-عقرب، جمعه)، دینی بیر مدرسه قوریلیب و فایده‌لنیش گه تاپشیریلگن. تورت میلیون افغانی خره‌جت کوتارگن مذکور دینی مدرسه، بدخشان ولایتی یفتل پایان تومنی نینگ «پهندره» قیشلاغیده، یشاوچیلر نینگ مالی همکارلیگی بیلن قوریلگن.
بیزلرنینگ فیسبوک صحیفه‌میزگه باش اورینگ!
بدخشان معارف ریاستی نشرات بولیمی مدیری عبدالغنی عابدی نینگ ایتیشیچه، «دارالعلوم حنیفه» آتیده بولگن اوشبو دینی مدرسه نینگ بناسی قریب ایکی جریب ییرده قوریلگن.
جناب عابدی نینگ کوپه‌یتیریشیچه، بو مدرسه قیزلر و اوغیل باله‌لر اوچون ایکّی قووتلی بنادن عبارت دیر.
بیزلرنینگ «ایکس» ترماغی ده هم تعقیب قیلینگ!
بدخشان معارف ریاستی نشرات بولیمی مدیری گه کوره، اوغیل باله‌لر اوچون اختصاص بیریلگن بولیم ییتّی اتاق، بیر دهلیز، ایکّی برنده، تورت حمام و بیر آشخانه‌دن عبارت بولیب و ۱۵۰ اوقووچی نینگ سیغیش امکانیتی گه ایگه دیر و شونینگدیک قیزلر بولیمی ایسه ایکّی بویوک سالون، دهلیز و بیر حمام‌دن عبارت بولیب و ۱۳۰ اوقووچی نینگ سیغیش امکانیتی گه ایگه دیر.
