بدخشان حادثهلرگه قرشی کورهش ریاستی مسئوللرینینگ ایتیشلریچه، کوچلی یاغینگرچیلیکلر، بوران و سوو تاشقینی یوز بیرگنی نتیجهسیده، اوشبو ولایت کشم تومنی یولیده بدخشان-تخار عمومی قتناو یولی یاپیلگن. یاغینگرچیلیکلر و بوران، بوگون ایرتهلب (۲۰-حمل، چهارشنبه)، باشلنگن.
بیزلرنینگ فیسبوک صحیفهمیزگه باش اورینگ!
بدخشان حادثهلرگه قرشی کورهش ریاستی باشلیغی محمداکرم اکبرینینگ ایتیشیچه، کوچلی یاغینگرچیلیکلر طفیلی یوز بیرگن سوو تاشقینلر، بدخشان-تخار عمومی قتناو یولی یاپیلگنیگه سبب بولگن.
محمداکرم اکبرینینگ کوپهیتیریشیچه، بوران و یامغیر یاغیشی کوپهیشی، بدخشاننینگ باشقه بولیملریده هم سوو تاشقینی یوز بیریشیگه سبب بولیشی ممکن؛ بیراق بو توغریده حاضرگچه رسمی گزارش قولگه کیلمهگن.
بیزلرنینگ «ایکس» ترماغی ده هم تعقیب قیلینگ!
بدخشان حادثهلرگه قرشی کورهش ریاستی باشلیغی، احتمالی واقعهلر یوز بیریشی آلدی آلیشی مقصد، برچه یولاوچیلردن بو یولنینگ مکمل شکلده آچیلیشیگه قدر اوشبو قتناو یولدن سفر قیلمسلیکلرینی ایستهگن.
