اسلام امیرلیگی صناعت و سودا وزیری نورالدین عزیزی، اوزبیکستان گه قیلگن رسمی سفری دایرهسیده، اوشبو مملکت باش وزیری اورین باسری جمشید خوجهیوف بیلن اوچرهشدی.
اوشبو وزیرلیک، بوگون (۸ حوت/۲۷ فبروری، جمعه) ایکس صحیفهسیده بیر بیانیه ترقهتیب، تامانلر اوزبیکستاننینگ ترمذ شهریده اوچرهشیب، ایکی تامانلمه مناسبتلر مستحکملنیشی، سودا حجمینی آشیریش، ترانزیتنی کینگهیتیریش، تجارت اونگیدهگی قیینچیلیکلرنی حل قیلیش و اقتصادی همکارلیکلرنی کینگهیتیریش مسئلهلری حقیده بحث ایتگنلرینی بیلدیرگن.
بیانیه گه کوره، اوشبو اوچرهشووده نورالدین عزیزی، افغانستان و اوزبیکستان اورتهسیدهگی کیلیشوولرنی عملگه آشیریش جریانینی تیزلشتیریش، سوداگرلر و سرمایه کیریتووچیلر گه قولیلیکلر یرهتیلیشیگه تأکید ایتگن.
بو اوچرهشووده جمشید خواجهیوف، اوزبیکستان سوداگرلری و سرمایه کیریتووچیلرینینگ افغانستان ایکینچیلیک، کانلرنی قزیب چیقریش، ترانسپورت، آست قورمه و ساغلیق بولیملریده سرمایه کیریتیش گه قیزیقیشلرینی معلوم قیلیب و قوشمه لایحهلرنی آلغه آلیب باریش اوچون مملکتینینگ تخنیکی تیملرنی یوللش گه تیارلیگینی اعلان قیلگن.
اوزبیکستان دولتی اسلام امیرلیگینی تن آلگن بولمسه-ده، بیراق تورلی ساحهلرده افغانستان بیلن یقیندن همکارلیک قیلیب کیلهیاتگن مملکتلردن حسابلنهدی.
