آذربایجان و ارمنستان، ایکّی مملکت اورته‌سیده‌گی کېسکین‌لیک‌لر گه دایر انچه ییل‌دن بیری دوام اېتیب کېلگن مذاکره‌لر گه چېک قوییب و صلح کېلیشووینی امضالش گه کېلیشگنلر.
تورکیه آنادولو یېتکرمه‌سی گه کوره، آذربایجان جمهوریتی تشقی ایشلر وزیری جیحون بایراموف، ۲۳-حوت، پنج‌شنبه کونی بو مملکت پایتختی «خلق‌ارا باکو ییغیلیشی»ده نطق سۉزلب، ارمنستان بیلن صلح مذاکره‌لری توگه‌گنیدن خبر بیرگن.
بیزلرنینگ فیسبوک صحیفه‌میزگه باش اورینگ!
آذربایجان تشقی ایشلر وزیری‌نینگ کوپه‌یتیریشیچه، صلح کېلیشووی گه دایر مذاکره‌لر توگه‌گن. بوندن آلدین کېلیشیلمه‌گن ایکّی ماده ارمنستان تامانیدن قبول قیلینگن.
شونینگدیک او، ارمنستان کېینگی آدیم اوله‌راق، آذربایجان حاکمیتینی بوزه‌دیگن اساسی قانونی ده‌گی ماده‌لرنی حذف قیلیش گه امیدوارلیک بیلدیرگن.
جیحون بایراموف، ارمنستان اساسی قانونی اوزگریشی صلح اوچون بولگن شرط‌لردن بیری بولیب و بو ایکّی مملکت اورته‌سیده‌گی کېسکین‌لر حلی اوچون امنیت تشکیلاتی و اروپا همکارلیگی گه تیگیشلی «مینسک گروهی» بیکار قیلینیش گه تأکید اېتگن.
عین‌حالده، ارمنستان تشقی ایشلر وزیرلیگی بیر بیانیه ترقه‌تیب، دیپلماتیک یولی بیلن آذربایجان تشقی ایشلر وزیرلیگی گه، صلح کېلیشووی اوچون توافقنامه‌ده کېریتیلگن ایکّی موردنی قبول قیلگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
آذربایجان اردوسی، میلادی ۲۰۲۰-ییل، ۲۷ سپتمبرده، ارمنستان اشغالی‌ده بولگن «قره‌باغ» نی آزاد قیلیش اوچون حربی عملیات باشله‌دی که بو ایکّی دولت اورته‌سیده ۴۴ کون اوروش و توقنشوولر گه سبب بولدی و نهایت ایکّی تامان آتیش کېسین قیلیش گه کېلیشدیلر.
آتیش کېسین کېلیشووی‌دن بیری «قره‌باغ» آذربایجان جمهوریتی تامانیدن باشقریلماقده، ایکّی مملکت او زماندن حاضرگه قدر صلح کېلیشووی گه قول تاپیش و مناسبت‌لرینی عادی‌لشتیریش اوچون مذاکره قیلیب کېلگنلر.
