ینگی‌لیکده، خلق‌ارا آزیق_آوقات دستوری (WFP) افغانستان ده عیاللر جمعیت دن چیتلنتیریلیشی اولر نینگ تیریکچیلیک‌لری اوستیگه سلبی تأثیر قیلیشیدن خواطر بیلدیرگن بیرحالده، اوتگن ایکی ییل ده ایش‌سیز بولگن عیاللردن بیرقطاری نینگ ایتیشلریچه، جمعیت دن چیتلنیش‌لری اقتصادلری اوستیگه سلبی تأثیر قیلیب و هر کونی استه_سیکین اولیم نی تجربه قیلماقده‌لر.
کابل ولایتی افشار منطقه‌سی یشاچیسی فرخنده، قریب ایکی ییل خارجی نهادلردن بیری ده ایشله‌گن و حاضر ایش‌سیز دیر ایتیشیچه، درآمدی یوق‌لیگی حیاتی اوستیگه سلبی تأثیر قیلیب و هر کونی تیریکچیلیک احواللری آغیرلشماقده دیر و او باله‌لری نینگ اساسی احتیاج‌لرینی تأمینله‌ی آلمه‌یدی.
بیزلرنینگ فیسبوک صحیفه‌میزگه باش اورینگ!
اونگه کوره: «ایش‌سیز بولیشدن کیین روحیم اوستیگه سلبی تأثیر قیلدی و اویله‌سم باش آغریق بوله‌من، برچه نرسه نی قولدن بیرگن من دیب اویله‌ی من، عیال بولگنیم اوچون جمعیت ده ایشلش گه حقیم یوق.»
کابل شهری مکروریان یشاوچیسی شبانه، جمهوریت توزومی قوله‌شیدن آلدین خارجی نهادلردن بیری ده ایشلر ایدی ایتیشیچه، ییللر بویلب تینچ حیات اوچون تلاش قیلگن، بیراق حاضر اقتصادی قیین احوال بیلن روپه‌ره بولگن.
او نینگ کوپه‌یتیریشیچه: «ایشلش پیتیده حیاتیم ده برچه نرسه اوزگردی، ایش‌سیز بولیشدن کیین باله‌لریم سابق کبی آوقاتلنه آلمه‌یدی، کییم_کیچک‌لری اوزگردی و بونده‌ی احوال مینی زیریکتیره‌دی و هر کونی استه_سیکین اولیمنی تجربه قیلماقده من.»
شونینگدیک، کابل دارالامان یشاوچیسی و ایکی باله آنه‌سی شبنم گه کوره، ایش‌سیز بولیشی بیلن اقتصادی احوالی یامانلشیب و کیله‌جککه امیدسیز بولگن.
او نینگ ایتیشیچه: «ایش‌سیز بولیشدن کیین ارزش‌سیزلیک نی حس قیلدیم. هر کونی تیریکچیلیک قیین‌لشیب بارماقده، روحی و اقتصادی قیینچیلیک بیلن روپه‌ره‌میز، باله‌لریم اوتمیش ده خصوصی مکتب گه بارر ایدیلر حاضر بارمه‌یدیلر، باله‌لریم نینگ کییم_کیچگی و آوقات‌لری بوتونلی اوزگرگن.»
بیزلرنینگ توییترده هم تعقیب قیلینگ!
جمعیت شناس‌لردن بیرقطاری نینگ ایتیشلریچه، عیاللر جمعیت دن چیتلنیشی و اولر نینگ ایش دن بیکار قیلینیشی، عایله‌وی زوروانلیک، روحی کسل‌لیک، کمبغل‌لیککه سبب بولیشی ممکن.
جمعیت شناس بسم‌الله یاوری نینگ ایتیشیچه: «عیاللر جمعیت دن اوزاق بولسه، جمعیت ده‌گی علاقه‌لر کمیه‌دی، حاضرگی کونده مکتب باره‌یاتگن قیزلر کیله‌جککه نسبتن ایشانچ‌سیز بوله‌دیلر.»
۱۴۰۰_ییل ۲۴ اسد ده افغانستان ده اسلام امیرلیگی حاکمیت نی آلیشی بیلن عیاللر گه قرشی چیکلاولرنی یرتدی. اسلام امیرلیگی نینگ بو اقدامی باعث دولت و نادولتی اداره‌لر نینگ عیال ایشلاوچیلری ایش دن بوشه‌تیلدی.
