۱۱-فبروری، «بیلیم ساحهسیده خاتین-قیزلر اورنی خلقارا کونی» بیلن بیرگه، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، آلتینچی صنفدن یوقاری قیزلر تعلیمی تقیقلنگنینینگ بیکار قیلینیشینی سورهگن.
افغانستان برق ییتکزیش شرکت (برشنا) و عزیزی گروپ کمپنیهسی، افغانستانده قویاش و تاش کومیردن ۸۴۵ میگاوات کوچیگه ایگه برق ایشلب چیقریش شرطنامهسینی امضالهدی. اوشبو شرطنامه، بوگون (۲۲ دلو/۱۱ فبروری، چهارشنبه) کابلده اسلام امیرلیگی باش وزیرینینگ اقتصادی اورین باسری ملا عبدالغنی برادر و عزیزی گروپ کمپنیهسی عمومی باشلیغی میرویس عزیزی اشتراکی بیلن امضالندی.
اسلام امیرلیگی ایش و اجتماعی ایشلر وزیرلیگی، ۲۶ دلونی، سابق ساویت اتفاقی قوشینلرینینگ افغانستاندن چیقیشی ۳۷ ییللیگی مناسبتی بیلن، مملکت بویلب عمومی رخصتی اعلان قیلدی. اوشبو وزیرلیک، بوگون (۲۲ دلو/۱۱ فبروری، چهارشنبه) ایکس صحیفهسیده بیر بیانیه ترقهتیب بوحقده خبر بیردی.
کانادا امنیتی رسمیلری، اوشبو مملکت غربیده بریتیش کلمبیا ایالتی یقینی حدودلریده جایلشگن «تامبلر ریج» اورته مکتبیده اوقیش آتیش نتیجهسیده ۱۰ کیشی اولگنینی معلوم قیلدیلر. ییتکرمهلر، بوگون (۲۲ دلو/۱۱ فبروری، چهارشنبه) ترقهتگن گزارشلریده، مجرم کیشی هم آتیشمه جریانیده اولگنیدن خبر بیردیلر. معلوماتلر گه کوره، اوشبو واقعهده چمهسی ۲۷ کیشی یرهلنگن، مکتب ایچیده بند قالگن برچه اوقووچیلر و خادملر چیقریلیب و واقعه گه دایر تدقیقات باشلنگن.
تورکیهنینگ سینماسی اینیقسه «کوردلر مکانی»ده رول اجرا ایتگن اکتریسه شیوگا گرز وفات ایتدی. ییتکرمهلرنینگ معلوماتیگه کوره، بو اکتریسه ۲۱ دلو/۱۰ فبروری، سهشنبه کونی سرطان کسللیگی طفیلی ۵۶ یاشیده وفات ایتگن. شیوگا گرز تورکیهده ایشلب چیقریلگن کورد مکانی سریالیده «جراح پاشاهلرنینگ آپهسی» رولی بیلن تنیلگن. او میلادی ۱۹۷۰ ییل، ۲۹ جنوری کونی توغیلگن، تورکیهلیک بو اکتریسه اوزاق وقت دوامیده سرطان کسللیگی بیلن کورهشیب کیلگن، بیراق او کسللیکنی یینگیب اوته آلمهی و نهایت ۵۶ یاشیده وفات ایتگن.
هوا ساووقلیگینی یوزینینگ قیزیللیگی و ییللر بویلب چیدهگن حیات قیینچیلیکلرینی ساچیگه توشگن آقلر و بوکیلگن قامتیدن بیلیش ممکن. او، تیترهگن قوللری بیلن دسترخوانیدهگی نان اونگه باغلیق بولگن ایچکی و تاووقلریگه قوروق اوتنی سیپماقده.
لوگر مرکزی پلعلم شهریده چاروهچیلیک بولیمیده ایش بیلن شغللنگن عیاللردن قطارینینگ سلاموطندار گه ایتیشلریچه، بیش ییلدن بویان چاروهچیلیک بیلن شغللنیب و بو یول آرقهلی عایلهلرینینگ اقتصادی نیازلرینی تامینلهیدیلر.
کیچیک بیر صناعتی ایشخانه، صبر و ظرافت بیلن سفالنینگ ساووق یوزیگه صناعت روحینی جایلهیدیگن قوللرگه میزبانلیک قیلماقده. اوشبو ایشخانهگه قیزلردن قطاری هر کونی ییغیلیب، میناکارلیک صناعتی آرقهلی عادی سفال ایدیشلرینی مدنیت، طبیعت و حیاتنینگ رنگ-برنگ حکایهلریگه اَیلنتیرهدی.
اسلام امیرلیگی باش وزیرینینگ اقتصادی اورین باسرلیگی، ایرته (۲۲ دلو/ ۱۱ فبروری، چهارشنبه) «قویاش و تاش کومیر»دن ۸۴۵ میگاوات کوچیگه ایگه برق ایشلب چیقریش شرطنامه امضالنیشیدن خبر بیردی.
غزنی امنیه قوماندانلیگی سوزلاوچیسی خالد سرحدینینگ ایتیشیچه، کابل-قندهار قتناو یولیده یوز بیرگن ترافیکی حادثه نتیجهسیده، ایکی کیشی اولیب و باشقه تورت کیشی یرهلنگن.
آلتی آی آلدین ایران دن قیتیب و ایشسیزلیک همده امیدسیزلیک آرهسیده قالگن خیرالله حسینی؛ حاضر ایسه هرات شهرینینگ ۱۲-ناحیهسیدهگی بیر کافهنی مدیریت قیلیب و باشقه سکیز کیشیگه هم ایش زمینهسینی یرهته آلگن. شونینگدیک اونینگ کبی، ایران دن قیتریلگن یاشلردن قطاری هرات شهریده کیچیک و بویوک رستورانتلر و کافهلرنی آچیش بیلن ایشسیزلیکدن قوتیلیش مقصد حرکت قیلماقدهلر.
افغانستانده بیرلشگن ملتلر تشکیلاتی اورین باسرلیگی (یوناما) میزبانلیگی بیلن، «دوحه جریانی» آتیده خصوصی بولیم ایش گروهینینگ اوچینچی ییغیلیشی، کابلده اوتکزیلدی. اسلام امیرلیگی تشقی ایشلر وزیرلیگی سوزلاوچیسینینگ اورین باسری ضیااحمد تکل، بوگون (۲۱ دلو/۱۰ فبروری، سهشنبه) ایکس صحیفهسیده بیر بیانیه ترقهتیب، اوشبو ییغیلیش اوتگن کون آنلاین و حضوری شکلده اوتکزیلگنینی بیلدیرگن.
اسرائیلنینگ اعلام قیلیشیچه، بو مملکت حربیلری نوار غزه جنوبیده جایشلگن رفح شهریده قوراللی تورت کیشینی نشان گه آلگن. اسرائیلنینگ کوپهیتیریشیچه، مذکور کیشیلر اوتگن کونی رفح دهگی بیر ییرآستی (زیرزمینی) دن چیقیش و بو مملکت کوچلری تامان اوق آتگنلریدن کیین، نشانگه آلینگنلر.
مکسیکو رسمیلرینینگ تصدیق قیلیشیچه، بو مملکت «سینالوآ» ایالتیده اوتگن آی کانادانینگ باشقرووی آستیده بولگن بیر کاندن اوغیرلنگن ۱۰ ایشلاوچیدن، ۵ تهسی هلاک بولگن.
خلقارا قیزیل خاچ کمیتهسینینگ افغانستان بولیمیگه کوره، بو مملکتنینگ میلیونلب یشاوچیسی دستلبکی نیازلرینی تامینلشده قیینچیلیکلر بیلن روپهره دیر.
اسلام امیرلیگی مالیه وزیرلیگی، بوگون دن (۲۰-دلو، دوشنبه)، باشلب پاکستان دن دارو وارد بولیشینینگ بوتونلی تقیقلنگنینی معلوم قیلگن. مالیه وزیرلیگی سوزلاچیسی عبدالقیوم نصیرنینگ ایتیشیچه، باجخانهلردن برچهسیده قاچاقی دارو و باشقه توارلر وارد بولیشی آلدی آلینهدی.
