جمهورلیک ریاستی نینگ ایتیشیچه، طالبان گروهی هلمند و غور ولایتیده هجوم قیلیش بیلن افغانستان دولتی و اهالیسی نینگ تینچلیک تامین‌لنیش خصوصیده بولگن صادقانه حرکت‌لریدن ناتوغری فایده‌له‌نیب و زوروانلیککه دوام بیرگن.
بوگون “دوشنبه” جمهورلیک ریاستی سوزلاوچیسی صدیق صدیقی نینگ توییتر صحیفه‌سیده یازیشیچه، طالبان گروهی «وحشت‌لی» هجوم‌لر انجام بیریش بیلن افغانستان اهالیسیگه قرشی زوروانلیک‌لرنی کوپه‌یتیرگن.
جمهورلیک ریاستی سوزلاوچیسی، طالبان نینگ افغانستان حکومتی و اهالیسیگه قرشی اوروش‌لرینی ناتوغری عنوان قیلگن.
اونینگ کوپه‌یتیریشیچه، افغانستانده دایمی تینچلیک تامین‌لنیشی اوچون اوشبو مملکت دولتی و اهالیسی طالبان نینگ ۶۱۰۰ محبوسی‌نی قوییب یوباریلیشی خصوصیده قرار قیلگن.
او، طالبان ۶۱۰۰ محبوسی نینگ افغانستان حکومتی تامانیدن قوییب یوباریلیشی‌گه اشاره قیلیب و دنیا ده هیچ‌بیر تینچلیک جریانیده بونده‌ی قرار قیلینمه‌گن دیگن.
سونگی مرته طالبان گروهی هلمند مرکزی لشکرگاه شهری اوستیگه هجوم قیلگن و نیچه کوندن بویان امنیتی کوچلر و طالبان جنگری‌لری آره‌سیده بولگن آتیشمه‌لر دوام قیلماقده.
امنیتی منبع‌لرگه کوره، اوشبو هجوم ده طالبان جنگریلریدن کمیده ۳۰۰ ته‌سی و امنیتی کوچلردن ۳۰ ته‌سی هلاک ایتیلگن.
شونینگدیک، اوتگن “یکشنبه” کونی غور ولایتی کته بیر پارتلش‌گه گواه بولگن و نتیجه‌ده کمیده ۱۵ کیشی هلاک و باشقه ۱۰۰ دن آرتیق کیشی یره‌لنگن. جمهورلیک ریاستی‌گه کوره، بو هجوم طالبان تامانیدن اویوشتیریلگن.
عین‌حالده، ناتو تشکیلاتی غور ولایتیده موترگه یوک‌لنگن پارتلش ماده آرقه‌لی، اویوشتیریلگن هجوم نی قاره‌لگن.
اوشبو تشکیلات نینگ توییتر صحیفه‌سیده یازیشیچه، ناتو افغانستانده دایمی تینچلیک تامین‌لنیش و ترورچی‌لرگه قرشی مقاومت قیلیش اوچون افغانستان امنیتی کوچلریدن حمایت قیله‌دی.