ایران تشقی ایشلر وزیری سیدعباس عراقچی، تهران و واشینگتن آرهسیده هیچ قندهی مذاکرهنینگ جریان ده بولمهگنینی معلوم قیلگن.
اونینگ الجزیره خبری ترماغی بیلن اوتکزگن صحبتلریده اورغولشیچه، ایران امریکا بیلن آتیش کیسیننی قبول قیلمهیدی.
عراقچینینگ کوپهیتیریشیچه، تهران امریکا تامانیدن یا مستقیم یا-ده منطقهدهگی «دوستلر» آرقهلی بیر قطار پیغاملرنی قولگه کیلتیرگن؛ بیراق لازم بولگنی پیتده مذکور پیغاملرگه جواب بیریشی ممکن.
ایران تشقی ایشلر وزیری، صحبتلرینینگ بیر بولیمیده ایتیشیچه: «هیچ قندهی مذاکره بولمهگن و بو توغریده بیان بولهدیگن ادعالر درست ایمس. بعضا بیز تامانیدن یوباریلهدیگن آگاهلنتیرووچی پیغاملر یا-ده قرشی تامان بیان قیلهدیگن موضوعلر، مذاکره حسابلنمهیدی؛ گرچند بو جریاننینگ دوامی بار.»
ایران بیلن امریکا و اسرائیل آرهسیده توقنشوولردن بیر آیدن کوپراق بولگن. سونگی کونلرده، امریکا جمهور باشلیغی دونالد ترامپ، نیچه مرته تهران بیلن مذاکرهلرنینگ جریانده بولگنینی معلوم قیلگن.
