ایران تشقی ایشلر وزیری سیدعباس عراقچی، بو مملکتنینگ امریکا بیلن نامستقیم مذاکرهلری یخشی آلغه آلیب باریلگنینی بیلدیردی.
او، ۲۸ دلو/۱۷ فبروری، سهشنبه کونی، سویسده ایران و امریکا وکیللری اورتهسیده مذاکرهلر یکونیدن سونگ ایتیشیچه، بو ایکی مملکت ایران هسته مذاکرهلری ایکینچی باسقیچیده بیرقطار یول-یوروق تمایللری بوییچه کیلیشیب آلگن و شو اساسده احتمالی کیلیشوو متنی اوستیده ایشلشنی باشلشهدی. عراقچی گه کوره، «حاضر آلدیمیزده انیق یول بار و بو مینینگ فکریمچه ایجابی دیر.»
عراقچی تأکیدلگنیدیک، ایران و امریکا کیلیشوو گه ایریشیش اوچون تیارلهگن دستلبکی لایحهلر تیارلنگچ، بو لایحهلر المشیلهدی و اوچینچی باسقیچ مذاکرهلرینینگ وقتی بیلگیلنهدی.
شو بیلن بیرگه، امریکا جمهور باشلیغی دونالد ترامپنینگ اورین باسری جیدی ونس، ایران هنوزگچه بو مملکتنینگ قرمز چیزیغینی قبول قیلیشگه تیار ایمسلیگینی قوشیمچه قیلگن. او، امریکا ایران بیلن کیلیشوو گه ایریشیش اوچون حرکتلرینی دوام ایتتیرهدی؛ بیراق بو مذاکرهلرنی قچان توگهتیش صلاحیتیگه ایگهلیگینی قوشیمچه قیلگن.
ایران و امریکا هسته مذاکرهلری ایکینچی باسقیچی اوتگن کون عمان واسطهچیلیگی بیلن سویسده اوتکزیلدی.
