ایران تشقی ایشلر وزیری سیدعباس عراقچی، افغانستان و پاکستان عملدارلریدن، اوز ارا کیلیشماوچیلیکنی دیپلماتیک یول آرقهلی حل ایتیشلرینی سورهدی.
عراقچی، بوگون (۸ حوت/۲۷ فبروری، جمعه) ایکس صحیفهسیده بیر بیانیه ترقهتیب، کیلیشماوچیلیکلرینی قوشنیچیلیک تمایللر دایرهسیده همده دیپلماتیک یول آرقهلی حل ایتیشلرینی سورهگن.
بیانیه گه کوره، ایران بو ایکی قوشنی مملکت اورتهسیده مذاکرهلرنی آسانلشتیریش و کیلیشوولری اوچون همکارلیک قیلیش گه تیار دیر.
پنجشنبهدن جمعه گه اوتر کیچه، اسلام امیرلیگی حربی کوچلری پاکستان حربی پوستهلریگه هجوم قیلدی. اسلام امیرلیگی، بو هجومنی اوتگن هفته اوللریده پاکستاننینگ ننگرهار و پکتیکا حدودلریده اویوشتیرگن آلدینگی هوای هجوملریگه جواب عملیات اتهگن.
پاکستان اسلام امیرلیگینینگ هجوملریگه جواب، اوتگن کیچه پایتخت کابل شامل قندهار و پکتیا حدودلرینی هوا آرقهلی نشانگه آلدی، اسلام امیرلیگی سوزلاوچیسی ذبیحالله مجاهد بو هجوملرنی تصدیقلب و تلفاتی یوقلیگینی بیلدیرگن.
اسلام امیرلیگی ملی مدافعه وزیرلیگی، اوشبو هجوملرده ۵۵ پاکستان عسکری اولدیریلیب و بعضیلری حبس گه آلینگن و شونینگدیک، ۱۹ پوسته شامل ایکی حربی قرارگاهنی تصرف ایتگنلرینی معلوم قیلگن. بو وزیرلیک اوشبو توقنشوولرده ۸ اسلام امیرلیگی عسکری شهید و ۱۱ نفری یرهلنگنینی اعلان قیلگن.
