ایران تشقی ایشلر وزیری سیدعباس عراقچی، اوشبو مملکت سابق رهبری سیدعلی خامنه‌ای بیلن وداع‌لشوو مراسمی‌ده ۷۰ دن آرتیق دولت رسمی‌لری و وکیللری اشتراک ایتگنینی معلوم قیلدی.
عراقچی، بوگون (۱۴ سرطان/۵ جولای، یک‌شنبه) ایکس اجتماعی ترماغیده بیر بیانیه ترقه‌تیب، ایران خامنه‌ای بیلن وداع‌لشوو مراسمی‌ده ۷۰ دن آرتیق دولت وکیللری جمله‌دن «عرب وفادار ایناغه»لرنینگ میزبانلیگیدن خورسند دیب یازگن.
ایران تشقی ایشلر وزیری، شونینگدیک اوشبو مراسمده ایریم مملکتلر رسمی‌لری و وکیللری‌نینگ اشتراک ایتیشینی ایران‌نینگ اوشبو مملکتلر بیلن مناسبتینی «اونیتیلمس خاطره» دیب تعریفله‌دی.
سیدعلی خامنه‌ای، فبروری آیی‌ده امریکا و اسرائیل‌نینگ ایران گه قرشی قوشمه هجوملریده اولدیریلدی.
سیدعلی خامنه‌ای بیلن وداع‌لشوو مراسمی ۱۱-سرطان‌دن باشلنگن و ۱۸ سرطان گچه دوام ایتیشی کوتیله‌دی. اعلان قیلینگن ریجه گه کوره، وداع‌لشوو مراسمی تهران، قم، نجف، کربلا و مشهد شهرلریده اوتکزیله‌دی و توپراققه تاپشیریش مراسمی ایسه مشهد ده امام رضا حرمی‌ده یکونلنه‌دی.
