ایرانده ۱۸ کوندن بیری دولت گه قرشی ناراضیلیکلر دوام ایتماقده ایکن، عرب مملکتلری امریکا جمهور باشلیغی دونالد ترامپدن، بو مملکت گه حربی هجوم قیلمسلیکنی سورهگنلر.
ییتکرمهلرنینگ معلوماتیگه کوره، ۲۳-جدی/۱۳-جنوری سعودی عربستان، عمان و قطر امریکادن ایران گه حربی هجوم قیلمسلیککه چقیرگنلر.
معلوماتلر گه کوره، اوشبو مملکتلر امریکادن ایرانده عملدهگی توزومنی آغدیریش گه اورینیش دنیا نفت بازارینی ایزدن چیقریشی و آخر-عاقبت امریکا اقتصادیاتیگه ضرر ییتکزیشی ممکنلیگینی بیلدیرگن.
امریکا حربی کوچلری ایسه، ترامپ بو آگاهلنتیریشلرنی انابت گه آلمسلیگی ممکنلیگینی ایتگن.
امریکا دولت رهبری دونالد ترامپ، اوتگن کون اوزینینگ تورت سوشیال اجتماعی ترماغیده ایران گه یاردم یولده ایکنینی ایتیب، ایرانلیکلرنی اسلام جمهوریتی رژیمیگه قرشی نمایشلرنی دوام ایتتیریش گه چقیرگن.
شو بیلن بیرگه، ترامپ ایران بیلن همکارلیک قیلهیاتگنلر گه ۲۵ فایزلیک باج جاری قیلیشی حقیده آگاهلنتیرگن.
ترامپ ایراننی حربی هجوم بیلن تهدید قیلگن بیرحالده، کانادا، آسترالیا، جرمنی، هندوستان و باشقه مملکتلر یشاوچیلریدن ایراننی تیزلیک بیلن ترک ایتیشنی سورهگن.
