بیرلشگن ملتلر تشکیلاتی نینگ باش کاتبی آنتونیو گوترش، ېنه بیر مراتبه غزه ده آتیش کېسین برقرار ایتیلیشینی سوره‌گن.
گوترش جنابلری بوگون (پنجشنبه، ۳-حوت) ایکس اجتماعی صحیفه‌سیده، غزه شمالی ده ایکّی یاشنی تولدیرمه‌گن هر آلتی باله دن بېری، توییب آۉقت‌لنمسلیکّه چلینگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، غزه ده محتاج کیشی‌لر گه یاردم کورسه‌تیش مقدارینی آشیریش اوچون یگانه یېچیم یول انسان‌دوستانه آتیش‌کېسین برقرار ایتیلیشی دیر.
خلق‌ارا آزیق-آۉقت دستوری ایکّی کون آلدین، غزه شمالی ده ناتینچ‌لیک باعث نیازمند کیشی‌لر گه یاردم کورسه‌تیشنی توسقین‌لیکّه دوچ قیلگنینی بیلدیرگن.
ایتیش کېره‌ک، اسرائیل دولتی غزه شمالی ده جایلشگن رفح ده که او ییرده بیر میلیون ۵۰۰ مینگ کیشی یشه‌یدی، هجوم قیلیشیدن آگاه‌لنتیرگن بیرحالده، آنتونیو گوترش بونده‌ی بیانات بیرگن.
بیزلرنینگ «ایکس» ترماغی ده هم تعقیب قیلینگ!
غزه بحرانی اوتگن میلادی ییل ۷-اکتوبر ده حماس گروهی نینگ اسرائیل گه هجوم قیلیشی بیلن باشلندی و اوشبو شهر ده ایکّی تامان آره‌سیده دوام اېتیب کیله‌یاتگن اۉروش ده حاضرگچه فلسطین‌لیک عیاللر و باله‌لر شامل ۲۹ مینگ ۹۲ کیشی قربان بولیب و باشقه ۶۹ مینگ کیشی یره‌لنگن.
