تورکیهنینگ سینماسی اینیقسه «کوردلر مکانی»ده رول اجرا ایتگن اکتریسه شیوگا گرز وفات ایتدی.
ییتکرمهلرنینگ معلوماتیگه کوره، بو اکتریسه ۲۱ دلو/۱۰ فبروری، سهشنبه کونی سرطان کسللیگی طفیلی ۵۶ یاشیده وفات ایتگن.
شیوگا گرز تورکیهده ایشلب چیقریلگن کورد مکانی سریالیده «جراح پاشاهلرنینگ آپهسی» رولی بیلن تنیلگن. او میلادی ۱۹۷۰ ییل، ۲۹ جنوری کونی توغیلگن، تورکیهلیک بو اکتریسه اوزاق وقت دوامیده سرطان کسللیگی بیلن کورهشیب کیلگن، بیراق او کسللیکنی یینگیب اوته آلمهی و نهایت ۵۶ یاشیده وفات ایتگن.
خانم گرز کوردلر مکانی سریالیدهگی جراح پاشاهلیلر گروهینینگ کتته آپهسی رولی بیلن مشهور بولگن. سریالنینگ اینگ کیسکین دورلریده جماعه گه قوشیلگن اونینگ قهرمانی اقتدار گرا خلق-اتواری و قتیق قوللیگی بیلن اعتبارنی تارتگن. سلیمان چقیر و فولاد عالمدار اشتراکیده صحنهلردهگی اجراسی بیلن تماشابینلرده اونیتیلمس تصورات قالدیرگن.
بوندن اول، کوردلر مکانی سریالیده سیمرا ایمار رولی بیلن تنیلگن اکتریسه نوین ایفه ۷۸ یاشیده وفات ایتگن ایدی.
