بوگون (۲۷-قوس، پنجشنبه)، بدخشان ولایتی فیضآباد تومنیده، محلی رسمیلر، صناعتچیلر و یشاوچیلرنینگ حضوری بیلن، «ارائه بازار» اسمی آستیده بیش کونلیک ایچکی محصوللر و قول صناعتی کورگزمهسی آچیلگن.
بدخشان معلومات و مدنیت باشلیغی ذبیحالله امیری، اوشبو کورگزمهنینگ اوتکزیلگنیدن مقصد، سوداگرلرنی قوللب-قوتلش، قول صناعتی رواجلنیشی و بو ولایت محلی فرهنگینی سقلش عنوان قیلگن.
جناب امیری، ایچکی محصوللر اهمیتیگه تاکیدلب و کوپهیتیریشیچه: «مذکور کورگزمه ایچکی تولیدلرنی قوللب-قوتلش مقصد اوتکزیلیب و بدخشاننینگ قدیمی و اصیل محصوللری و قول صناعتینی برچه گه تانیشتیریش اوچون بو کبی برنامهلرنینگ اوتکزیلیشی توغریسیده سعیوحرکت قیلماقدهمیز.»
شوندهی بیرحالده، اوشبو کورگزمهدهگی غرفهدارلردن بیری عبدالظاهرنینگ ایتیشیچه، بو کبی برنامهلر اوتکزیلیشی، ایچکی تولیدلرنی تانیشتیریش و حمایت قیلیشده مهم اورینگه ایگه بولیب و ایشلب چیقرووچیلرنینگ قیزیقیشیگه سبب بولهدی.
اونگه کوره: «جودهیم خورسندمیز، چونکه محصوللریمیزنی نمایش گه قویه آلهمیز، درآمد قولگه کیلتیره آلهمیز و ایچکی تولیدلرنی حتا مملکتدن تشقیگه یوباره آلهمیز. اهالی ایچکی محصوللرنی ساتیب آلیشگه کوپ قیزیقهدی.»
بو کورگزمهدهگی غرفهدارلردن باشقه بیری محمدظفر، مذکور کورگزمهنینگ محصوللر تانیشتیریلیشی و صادرات یولی آچیلیشی اوچون مناسب فرصت دیب و ایتیشیچه: «محصوللریمیزنی نمایش گه قویدیک. غرفهمده قروت، عسل، کییم و باشقه بیر قطار نرسهنی نمایش گه قویدم که برچهسی بدخشان ده تولید بولگن.»
شوندهی بیرحالده، مذکور کورگزمهدن کوریب چیققنلردن بیری جلالالدین، ایچکی محصوللردن فایدهلنیشگه یشاوچیلرنی تشویق قیلیش اوچون بو کبی کورگزمهلر اوتکزیلیشینی یخشی بیر فرصت دیگن. «بو کورگزمه یشاوچیلرنینگ بدخشان ده ایشلب چیقریلهدیگن تولیدلرنی یقیندن کوریشلری اوچون جوده یخشی بیر فرصت دیر. بو ییرده اوسیملیک دارولر، عسل، قروت و باشقه محصوللر بار که مذکور ولایتنینگ بویوک سرمایهسی حسابلنهدی.»
ایتیلیشچه، اوشبو کورگزمهده قول صناعتی، سوت محصوللری، عسل، تورلیخیل آزیق-آوقت، کییم-کیچگ و باشقه بیر قطار نرسه، اونلب غرفهده نمایش گه قوییلگن.
