اوتگن ایکی ییل جریانیده پاکستان اسلام امیرلیگی بیلن بیر قطار موضوع‌لر جمله‌دن خوفسیزلیک و اقتصادی مسئله‌لر خصوصیده قطار اختلاف‌لر نی بیان قیلگن که، حاضر ایسه بیر اوزگریش‌دن کیین ینگی بیر حکومت گه شاهد بولگن.
پاکستان ده اوشبو سیاسی اوزگریش بیلن، اسلام امیرلیگی کابل و اسلام‌آباد اورته‌سیده‌گی موجود قیینچیلیکلر حلی اوچون، مذکور مملکت آرقه‌لی سعی‌وحرکت قیلینیشینی کوتیب تورگن.
اسلام امیرلیگی تشقی ایشلر وزیرلیگی سرپرستی امیرخان متقی، پاکستان نینگ ینگی تشقی ایشلر وزیری اسحاق‌دار بیلن قورگن ایلک قونقیراغی‌ده، ایکی تامان‌لمه رابطه‌لر مستحکم‌لنیشی و ایکی مملکت آره‌سیده‌گی قیینچیلیکلر حلی خصوصیده تاکید قیلگن دیر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی تشقی ایشلر وزیرلیگی سرپرستی، اوشبو ایستهکلر گه علاوه پاکستان نینگ ینگی تشقی ایشلر وزیریدن، کابل گه سفر قیلیشی اوچون دعوت قیلگن.
اسلام امیرلیگی تشقی ایشلر وزیرلیگی سوزلاوچیسی اورین باسری ضیااحمد تکل نینگ ایتیشیچه: «متقی صاحب ایتدی که، منطقه مملکت‌لر کون اوتیشی بیلن اسلام امیرلیگی بیلن اوز تعامل‌لری نی کوپه‌یتیره‌دیلر و منطقه بویلب ییر آستی ییریک لایحه‌لر ایشی باشلنماقده دیر و پاکستان دن اوز سهمی گه ایگه بولیشی نی ایسته‌یمیز. شونینگدیک متقی پاکستان تشقی ایشلر وزیریدن افغانستان گه سفر قیلیشی اوچون دعوت قیلدی.»
شونده‌ی بیرحالده، ایش بیلرمان‌لردن قطاری، پاکستان نینگ ینگی حکومتی اوشبو مملکت نینگ ایکی ییل آلدین‌گی رفتاری گه قرشی کابل و اسلام‌آباد آره‌سیده ایکی تامان‌لمه رابطهلردهگی موجود قیینچیلیکلر حلی خصوصیده صحبت قیلیش یولی آرقه‌لی سعی‌وحرکت قیلیشی نی کوتیب تورگنلر.
شونینگدیک ایش بیلرمان‌لر پاکستان برابریده اسلام امیرلیگی آرقه‌لی احتیاط‌کارانه تشقی سیاست نینگ قولگه آلینیشی خصوصیده تاکید قیلگنلر.
بو توغریده خلق‌ارا رابطه‌لر بیلرمانی محمود اضطرابی نینگ سلام‌وطندار گه ایتیشیچه: «پاکستان حکومتی عمومی فکرینی قناعت بیریش اوچون، حاضرگچه افغانستان عیب‌لر وارد قیلیش و بو قیین‌چیلیک‌نی کوپه‌یتیریش خصوصیده سعی‌وحرکت قیلگن. فکرمچه پاکستان انسانی و قوشنی یولی آرقه‌لی تلاش قیلگنی صورت‌ده، افغانستان قیین‌چیلیک‌لری حل بوله‌دی.»
بیزلرنینگ فیسبوک صحیفه‌میزگه باش اورینگ!
باشقه تاماندن، ایریم ایش بیلرمان‌لر، پاکستان مملکتی نینگ افغانستان قرشی‌سیده بولگن خوفسیزلیک قره‌شی همده بو مملکت تشقی سیاستیده حربی مقاملرینی حصه‌سیگه اشاره قیلیب، پاکستان ینگی حکومتی افغانستان بیلن ایجابی علاقه قوریش‌گه ایشانمه‌یدیلر.
بو توغریده خلق‌ارا رابطه‌لر بیلرمانی اجمل زرمتی نینگ ایتیشیچه: «پاکستان نینگ تشقی سیاسی‌ده اساسی اوزگریشلر کیلمه‌گونگه قدر، بو ایستهکلر و دعوت قیلیش‌لر نینگ هیچ فایده‌سی یوق. چونکه افغانستان برابریده پاکستان تشقی ایشلر سیاستی نینگ طرح قیله‌دیگنلر، اوشبو مملکت حربی‌لری دیر.»
پاکستان بیلن رابطهلردهگی قیینچیلیکلر حلی اساسیده کابل گه کیلیش ایسته‌گی بیلن بیرگه، افغانستان بوییچه مذکور مملکت مخصوص نماینده‌سی آصف علی‌درانی نینگ ادعا قیلیشیچه، افغانستان حاضر ایسه ۵-۶ مینگ پاکستان طالب‌لر تحریکی جنگری‌لری «تی‌تی‌پی» گه باش پنه بیرگن که بو ادعا نی، بوندن آلدین اسلام امیرلیگی نیچه مرته رد قیلگن.