افغانستان گه بوله‌دیگن انسانپرورلیک یاردملردن اسلام امیرلیگی نینگ ناتوغری فایده‌لنیشی اساسیده امریکالیک بیر سناتور نینگ ادعاسیدن بیر کون اوتگنی‌دن کیین، سرپرست حکومت اقتصاد وزیرلیگی مسئوللری نینگ ایتیشلریچه، حکومتی اداره‌لر نیازمند کیشی‌لر گه ترقه‌تیله‌دیگن انسانپرورلیک یاردملر پروسه‌سیگه اره‌لشمه‌گن.
مذکور وزیرلیک سوزلاوچیسی عبدالرحمان نینگ ایتیشیچه: «دنیا جماعه آرقه‌لی ارائه بوله‌دیگن انسانپرورلیک یاردملر نینگ باشلنگنی‌دن حاضرگچه، دولتی اداره‌لر نینگ اره‌لشمسیدن مؤسسه‌لر و تیگیشلی نهاد‌لر آرقه‌لی اوشبو مؤسسه‌لر و بیرلشگن ملت‌لر تشکیلات‌لری آرقه‌لی آلغه آلیب کیته‌دی. بیزلر ایچکی و تشقی مؤسسه‌لر نینگ تینیق ایش پروسه‌سیدن حمایت قیله‌میز.»
بیزلرنینگ فیسبوک صحیفه‌میزگه باش اورینگ!
امریکا قوشمه ایالتلری نینگ جمهوری‌خواه سناتوری مارکو روبیو، اوشبو هفته مذکور مملکت کانگرسی‌گه بیر لایحه‌نی ترقه‌تیب، افغانستان‌ده بوله‌دیگن انسانپرورلیک یاردملرگه تینیق‌لیک یره‌تیلمه‌گونگه قدر، توخته‌تیلیشینی سوره‌گن. اوشبو امریکالیک سناتور «فاکس‌نیوز» خبری ترماغی گه، افغانستان گه بوله‌دیگن انسانپرورلیک یاردملردن اسلام امیرلیگی نینگ ناتوغری فایده‌لنیشی نی بیان قیلگن.
مارکو روبیو نینگ کوپه‌یتیریشیچه: «اسلام امیرلیگی امریکا فقراسینی مالیات‌لریدن ییغیلگن پول‌لردن فایده‌لنمه‌سین. قیغو بیلن بو بیزنی کوزیمیزنی یانیده یوز بیرماقده، اوشبو یاردملرنی ترقه‌تیلیش جریانیگه تینیق‌لیک کیلمه‌گونگه قدر یاردملر توخته‌تیلیشی کېره‌ک.»
بیراق اقتصاد وزیرلیگی مسئوللری افغانستان گه مملکت‌لر آرقه‌لی ترقه‌تیله‌دیگن انسانپرورلیک یاردملر دوامی نی اونملی بیله‌دیلر.
باشقه بیر تاماندن، اقتصادی مسئله‌لر بوییچه ایش بیلرمانلر نینگ ایتیشلریچه، حاضرگی شرایط‌ده افغانستان یشاوچیلری گه امریکا انسانپرورلیک یاردم‌لری توخته‌تیلیشی، کوپینچه سلبی عاقبتلر گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
اقتصادی مسئله‌لر بوییچه ایش بیلرمان نصیر رشتیا نینگ ایتیشیچه: «حاضر افغانستان اهالیسی اقتصادی تحریم‌لر آستیده دیر، شو اوچون مملکت اقتصادی چیت‌ایل‌لیک یاردملرگه باغلیق بولیب قالگن، برچه قیینچیلیکلرنی اسلام امیرلیگی آز زمان‌ده حل قیلالمه‌یدی.»
ایتیش کیره‌ک که، بوندن آلدین امریکا حکومتی ایتگن ایدی که اسلام امیرلیگی، افغانستان گه همکار تشکیلات‌لر و اوشبو مملکت مالی یاردم‌لریدن ناتوغری فایده‌لنیشی گه کوچی ییتیشمه‌یدی. اسلام امیرلیگی قدرت گه ایریشگنی‌دن کیین، امریکا افغانستان گه اینگ بویوک مالی یاردم بیرووچی ایدی و بو مدت‌ده، افغانستان گه ۲ میلیارد دالردن آرتیق یاردم بیرگن.
