امریکالیک مشهور بوکسچی مایک تایسون، مکه‌ی مکرمه گه قیلگن سفری دایره‌سیده احرام کییم کییب و «عمره» زیارتینی ادا قیلدی.
مایک تایسون و اصلی فلسطین‌لیک امریکالیک پرودیوسر دی‌جی خالد نینگ عمره زیارتینی ادا قیلیش اوچون، مکه‌ی مکرمه گه حضوری خبر ساز بولگن.
بیزلرنینگ فیسبوک صحیفه‌میزگه باش اورینگ!
مایک تایسون ۱۹۸۵_ییل ده بوکس دنیاسی گه کیریب و ۱۹۸۶_ییل ده جهان بوکس کینگشی نینگ سوپر آغیر بولیمی قهرمانی بولدی. قهرمان‌لیک دن بیر ییل اوتگچ جهان بوکس اتفاقی و خلق‌ارا بوکس فدراسیونی رقابت‌لری غالبی بولیب و ۱۹۸۷ ییل دن ۱۹۹۰_ییل‌لر آره‌لیغیده جهان قهرمانی بولدی.
تایسون ۱۹۹۲_ییل ده قماققه تشلنگنیده اسلام‌نی قبول قیلدی. امریکالیک مذکور بوکسچی ۲۰۰۶_ییل ده حرفه‌ای سپورت بیلن خیرلشدی.
بیزلرنینگ توییترده هم تعقیب قیلینگ!
دی‌جی خالد گه مشهور خالد محمد خال، اصلی فلسطین‌لیک امریکالیک هیپ هاپ یولدوزی دیر. او واره‌ی بیرمیده قوشیق اوقیش اوچون سعودی عربستان گه بارگن.