اسرائیل نینگ لبنان گه اویوشتیره‌دیگن هوایی هجوملری بوگون گه قدر هم دوام قیلیب و سونگی بمباردمانی‌ده ایسه ۷۲ کیشی لبنان ده قربان بولگن. اسرائیل مدافعه وزیرلیگی نینگ اعلام قیلیشیچه، اوشبو مملکت کوچلری نینگ لبنان گه زمینی هجوم اویوشتیریشی ممکن.
باشقه بیر تاماندن، امریکا، آلمان، اروپا بیرلشمه‌سی، استرالیا، کانادا، فرانسه، ایتالیا، جاپان، سعودی عربستان، بیرلشگن عرب امیرلیکلری و قطر قوشمه بیر بیانیه آرقه‌لی اسرائیل و لبنان آره‌سیده تیزلیک بیلن ۲۱ کون‌لیک آتیش کیسین برقرار ایتیلیشینی ایسته‌گن؛ بیراق حاضرگچه اسرائیل و حزب‌الله لبنان بو توغریده هیچ بیر فکر بیلدیرمه‌گن.
شونده‌ی بیرحالده، خلق‌ارا رابطه‌لر بیلرمانلریدن قطاری اسرائیل و حزب‌الله لبنان آره‌سیده اوروشلر نینگ کوچه‌یشی عاقبتلریدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
خلق‌ارا رابطه‌لر بیلرمانلریدن مقدم امین نینگ ایتیشیچه، بو اوروش نینگ منطقه‌ده بیر توقنشوو و شونینگدیک منطقه و دنیا‌ده‌گی قدرتلی مملکتلر نینگ آره‌لشیشی گه سبب بولیشی ممکن.
اونینگ کوپه‌یتیریشیچه: «اسرائیل نینگ هوایی و زمینی هجوملری حاضرگی شرایط‌ده هیچ قنده‌ی قانونی اساس‌گه ایگه بوله آلمه‌یدی. بو هجوملر آلدی آلینمه‌‌گنی صورت‌ده کوپینچه مملکتلر نینگ بو اوروش گه آره‌لشیشی ممکن، یعنی منطقه کوپ جدی شکلده زیان کوره‌دی.»
باشقه بیر تاماندن، اوتگن کونی ایران رهبری علی خامنه‌ای نینگ ایتیشیچه، اسرائیل آرقه‌لی لبنان گه اویوشتیریله‌دیگن هجوملرده امریکا نینگ قولی بار و بو مملکت گه حربی یاردم بیره‌دی.
باشقه بیر قطار بیلرمانلر نینگ ایتیشلریچه، اورته شرق‌ده اوروش نینگ کوچه‌یشی هیچ بیر مملکت فایده‌سی گه ایمس.
خلق‌ارا رابطه‌لر بیلرمانلریدن باشقه بیری شمشادعزیز کاظمی نینگ ایتیشلریچه، اسرائیل، حزب‌الله لبنان و حماس حاضرگی وضعیت‌دن چیکینمه‌گنی صورت‌ده، اوروش نینگ کوچه‌یشی ممکن.
بیزلرنینگ «ایکس» ترماغی ده هم تعقیب قیلینگ!
کاظمی نینگ کوپه‌یتیریشیچه: «بویوک قدرتلر اینیقسه امریکا و متحدلری بو اوروش نینگ مدیریت قیلیش یا-ده بو اوروش نینگ یکون‌لنیشی‌گه سعی‌وحرکت قیلماقده‌لر که مذکور اوروش هیچ بیر مملکت فایده‌سی گه ایمس. بو اوروش آهسته آهسته کوچه‌یماقده و ایتیلیشچه اسرائیل، حزب‌الله لبنان و حماس حاضرگی وضعیت‌دن چیکینمه‌گنی صورت‌ده، اوروش نینگ کوچه‌یشی ممکن.»
ییتینچی اکتبرده حماس نینگ اسرائیل توپراغی گه قیلگن هجومی‌دن کیین، حزب‌الله لبنان دواملی شکلده اسرائیل حربی‌سی بیلن مذکور مملکت شمالی چیگره‌لریده آتیشگن.
ایتیش کیره‌ک که، لبنان جنوبی گه اسرائیل نینگ سونگی هجوم‌لریده، تینچ اهالی شامل یوزلب کیشی اولیب و یره‌لنگن و شونینگدیک اونلب مینگ کیشی اوینی ترک قیلگن.