امریکا قوشمه ایالتلری بیلن عراق، امریکا رهبرلیگی‌ده خلق‌ارا ائتلاف کوچلری نینگ عراق دن چیقریلیشی خصوصیده کیلیشگن.
رویترز آژانسی بوگون (شنبه، ۱۷-سنبله)، بیش امریکا رسمی‌سی، اوچ عراق رسمی‌سی و ائتلاف گه عضو مملکتلر نینگ ایکی رسمی‌سیدن نقل قیلیب گزارش بیریشیچه، امریکا رهبرلیگی‌ده خلق‌ارا ائتلاف کوچلری نینگ عراق دن چیقریلیشی ریجه‌سی خصوصیده بوتونلی کیلیشیلگن و اونینگ عمل‌گه آشیریلیشی اوچون واشنگتن و بغداد نینگ یکونلی کیلیشووی کیره‌ک.
بیزلرنینگ «ایکس» ترماغی ده هم تعقیب قیلینگ!
امریکا ییریک رسمی‌لریدن بیری نینگ رویترز گه ایتیشیچه: «کیلیشگن‌میز؛ حاضرگی مسئله بو دیر که، اونی قچان اعلام قیلسه‌ک.»
بو ریجه اساسیده، امریکا و عراق ۲۰۲۵-ییل سپتمبر آیی‌گچه یوزلب ائتلاف کوچلری و قالگنی ایسه ۲۰۲۶-ییل یکونی‌گچه عراق نینگ ترک قیلیشلری خصوصیده کیلیشگنلر.
بو کیلیشوو امریکا و عراق آره‌سیده آلتی آی مذاکره‌لردن کیین قولگه کیلگن.
بیزلرنینگ فیسبوک صحیفه‌میزگه باش اورینگ!
امریکا قوشمه ایالتلری ۲۰۱۴-ییل‌ده داعش بیلن قرشی کوره‌ش مقصد خلق‌ارا ائتلاف نی عراق و سوریه ده ایجاد قیلدی و حاضر ایسه عراق ده امریکا کوچلری نینگ سانی ایکی مینگ ۵۰۰ عسکر گه ییتیشه‌دی.
