امریکا مدافعه وزیرلیگی (پنتاگون) اوشبو مملکت اسرائیل دن دفاع قیلیش و ایران همده بو مملکت نیابتی گروه‌لری نینگ احتمالی تهدیدلری اوچون اۉرته شرققه کوپراق حربی کېمه یوباریشینی معلوم قیلگن.
رویترز آژانسی گه کوره، امریکا مدافعه وزیری لوید آستین ۱۲-اسد، جمعه کونی اۉرته شرق و اروپا گه بالستیک راکته‌لرنی یوق قیلیش گه قادر بولگن حربی کېمه یوباریلیش بویروغینی بیرگن.
بیزلرنینگ فیسبوک صحیفه‌میزگه باش اورینگ!
باشقه تاماندن، آق‌سرای امریکا جمهور باشلیغی جو بایدن اۉتگن هفته پنج‌شنبه کونی اسرائیل باش وزیری بنیامین نتانیاهو بیلن تلفونی علاقه ده، منطقه ده دفاعی چاره تدبیرلر کوچه‌یتیریلیشی حقیده صحبت قیلگنینی اېتگن.
ایران توپراغیده حماس نینگ سیاسی رهبری اسماعیل هنیه و حزب‌الله لبنان نینگ بیر ییریک قوماندانی اولدیریلیشیدن سۉنگ، اۉرته شرققه کېسکین‌لیک اوج آلیش احتمالی کوپه‌یگن.
ایران و حماس، هنیه اسرائیل تامانیدن اولدیریلیشینی ادعا قیلیب و بو هجوم گه جواب قیتیریش‌لری حقیده آگاه‌لنتیرگنلر. بیراق اسرائیل بوتوغریده حاضرگه قدر فکر-ملاحظه بیلدیرمه‌گن.
بیزلرنینگ «ایکس» ترماغی ده هم تعقیب قیلینگ!
حماس نینگ سیاسی رهبری اسماعیل هنیه، اۉتگن هفته چهارشنبه کونی ایران ینگی جمهور باشلیغی مسعود پزشکیان نینگ آنت ایچیش مراسمیده قتنه‌شووی دن کېین، تهران ده اونی اوچون اختصاص بیریلگن مخصوص جایی ده نشانگه آلینیب و اولدیریلدی.
