اسرائیل کوچلری نینگ لبنان جنوبی بولیم‌لریگه ییر هجوملری و بو مملکت نینگ بیر قطار بولیم‌لری گه هوایی هجوملری دوام قیلگنی بیرحالده، اوتگن هفته امریکا جمهور باشلیغی دونالد ترامپ، مارآ‌لاگو ده اسراییل نینگ استراتیژیک ایش‌لری بوییچه وزیری ران درمر بیلن اوچره‌شگنی‌ده، اسرائیل و حزب‌الله لبنان آره‌سیده آتیش کیسین بویروغینی امضا قیلگن.
ترامپ، بو ریجه نینگ جو بایدن دن قدرت نی آلیش گه قدر عمل‌گه آشیریلیشی‌گه امیدوارلیک بیلدیرگن. آتیش کیسین اوچون تکلیف ایتیلگن ریجه نینگ لایحه‌سی، اوتگن هفته پنج‌شنبه کونی لبنان ده امریکا ایلچی‌سی آرقه‌لی لبنان پارلمان باشلیغی نبیه بری گه اوزه‌تیلگن.
حزب‌الله ییریک رسمی‌لری گه کوره، اوشبو مملکت دولتی آتیش کیسین برقرار ایتیلیشی اوچون امریکا ریجه‌سینی تیکشیرماقده. باشقه بیر تاماندن، ایران رهبری سیدعلی خامنه‌ای مصلحتچیسی علی لاریجانی نینگ ایتیشیچه، مملکتی حزب‌الله و اسرائیل آره‌سیده آتیش کیسین برقرار ایتیلیشی اوچون بولگن هر قنده‌ی قرار‌دن حمایت قیله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، خلق‌ارا رابطه‌لر بیلرمانلردن قطاری، اورته شرق‌ده اوروشلر یکون‌لنیشی اساسیده‌گی ترامپ نینگ انتخاباتی شعارلری گه اشاره قیلیب و ایتیشلریچه، بو مملکت نینگ فایده‌لی اره‌لشیشی منطقه اینیقسه اسرائیل و حزب‌الله لبنان آره‌سیده آتیش کیسین برقرار ایتیلیشی گه سبب بولیشی ممکن.
بو توغریده خلق‌ارا رابطه‌لر بیرمان‌لریدن احمدمجتبا نصرت نینگ ایتیشیچه: «امریکا اوزی او ییرده حضوری بار و او آتیش کیسین برقرار ایتیشی گه سعی‌وحرکت قیلیشی کیره‌ک. حزب‌الله لبنان و اسرائیل آره‌سیده اوروش نینگ کمه‌یشی اوچون بو ایجابی بیر اقدام دیر. ترامپ نینگ قدرت گه ایریشگنی بیلن امریکا بو اوروش نینگ کمه‌یتیریشی ممکن.»
حاضرگچه اسرائیل بیلن حماس و حزب‌الله لبنان کبی اوروش تامانلر آره‌سیده آتیش کیسین برقرار ایتیلیشی اوچون سعی‌وحرکتلر نتیجه بیرمه‌گن.
آتیش کیسین برقرار ایتیلیشی اوچون اینگ سونگی سعی‌وحرکتلرده، ایران تشقی ایشلر وزیری عباس عراقچی ۱۴-عقرب، پاکستان گه کیتیب و منطقه وضعیتی خصوصیده بو مملکت رسمی‌لری بیلن اوچره‌شگن.
باشقه بیر قطار بیلرمانلردن قطاری نینگ ایتیشلریچه، اسرائیل و حزب‌الله آره‌سیده‌گی توقنشوولر گه دنیا قدرت‌لری نینگ اره‌لشی و آتیش کیسین قنده‌یلیگی خصوصیده اوروش تامانلر اورته‌سیده‌گی کیلیشماوچیلیک، آتیش کیسین گه ییتیشیش نی قیین‌لشتیریشی ممکن.
بیزلرنینگ «ایکس» ترماغی ده هم تعقیب قیلینگ!
خلق‌ارا رابطه‌لر بیلرمانلریدن محمدصیام حلیم نینگ ایتیشیچه، دونالد ترامپ نینگ قدرت گه ایریشگنی بیلن، اسرائیل برابریده امریکا سیاستی یانده‌شوویده هیچ بیر تغییر کیلمسلیگی ممکن.
اونینگ کوپه‌یتیریشیچه: «ایکی تاماندن قوشمه استراتژیک فایده‌سی گه یا-ده کوپینچه خره‌جتلر گه ایریشمه‌گنی گه قدر، دوامی آتیش کیسین گه قول تاپیش نینگ قیین بولیشی ممکن. دونالد ترامپ نینگ قدرت گه ایریشگنی بیلن منطقه ده دوامی تینچ‌لیککه ییتیشیش فکر‌دن اوزاق بیر نرسه دیر، چونکه دونالد ترامپ نینگ آلدینگی جمهورلیک ریاستی‌ده، اسرائیل امرکیا نینگ اینگ کوچلی حمایتی گه ایگه ایدی.»
لبنان ساغلیق‌نی سقلش وزیرلیگی گه کوره، اسرائیل و حزب‌الله آره‌سیده‌گی توقنشوولر نینگ باشلنگنی‌دن حاضرگچه، اوشبو مملکت یشاوچیلرین اوچ مینگ ۴۴۵ کیشی قربان بولیب و ۱۴ مینگ ۵۹۹ کیشی یره‌لنگن.