یشش محیطنی سقلش ملی اداره مسئوللری بوگون (۱۴-دلو، یکشنبه) اوشبو ادارهنینگ یوتوقلری و فعالیتلرینی شریک قیلیش مناسبتی بیلن اۉتکزیلگن ییغیلیشده، هوا افلاسلنیشی اوتگن ییل گه نسبتن اوشبو ییلنینگ دستلبکی ۱۰ آییده کمهیگنینی معلوم قیلگنلر.
اوشبو اداره، کابل و تومنلریده قریب ۶۳۸ ایشخانه، ۶۷۳ دولت و خصوصی کسلخانه، ۲۶۰ مارکیت، ۵۰۳ خشت و گچ پیشیریش داش، ۵۹۸ موترلرنی تعمیرلش ورکشاپ، ۷۸ ریگ ایشلب چیقریش ماشین، ۱۷ شهرچه و ۷۰۵ آسمان اوپر انشاآت، هوا افلاسلنیشی گه سبب بولگنینی اېتهدی.
مذکور ادارهنینگ پالیسی اورین باسری زینالعابدین عابد گه کوره، یشش محیطنی سقلش ملی اداره خادملری هوا افلاسلنیشی کمهیشی اوچون، اوشبو ییلده اوچ مینگ ۶۰۰ دن کوپراق تورلی صنف جملهدن ایشلب چیقریش ایشخانهلر، آسمان اوپر انشاآتلر، عمومی حماملر و باشقه بیرقطار مکانلرنی نظارت اېتگنلر.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «مملکت مقیاسیده اوچ مینگ ۵۲۱ فعالیت و عمرانی لایحهلر نظارت اېتیلگن و گوزهل بیر محیط اوچون سعی-حرکت قیلهیپمیز و بو ادارهنینگ تخنیکی معلوماتی اساسیده اوتگن ییل گه نسبتن اوشبو ییلنینگ دستلبکی ۱۰ آییده هوا افلاسلیگی کمهیگن.»
عینحالده، یشش محیطنی سقلش ملی ادارهنینگ هوا افلاسلنیشنی کنترول قیلیش آمری طوفان جبران، کوپینچه جایلرده هوانی تصفیه قیلیش فلترلر قوندیریلیشینی، هوا افلاسلیگی کمهیش عاملی عنوان قیلهدی.
اونینگ ایتیشیچه: «یشش محیطنی اسرهش ملی اداره و باغلیق ارگانلر بوتوغریده ایریم ایشلرنی قیلگن و بوتون مکانلرده فلترلر قوندیریلگن و بو هوا افلاسلیگی کمهیشیگه سبب بولگن.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن بیرقطاری، هوا افلاسلنگنیدن نالیب، باغلیق ادارهلردن هوا افلاسلیگینی آلدینی آلیش اوچون عملی اقدام قیلیشلرینی اېستهیدیلر.
کابل یشاوچیلریدن سمیر گه کوره: «قیش موسومیده هوا کوپراق افلاس بولهدی اینیقسه کیچه تاماندن، ایکّی کیشی کیچه تاماندن سرککه چیققن حالده بیر-بیرینی یوقاتهدی و کوپینچه قیینچیلیکلر بیلن دوچ بولگنمیز و مسئول ادارهلردن بوتوغریده دقت قیلیشلرینی اېستهیمیز.»
شونینگدیک کابل یشاوچیلریدن باشقه بیری زبیرنینگ ایتیشیچه: «اوشبو کونلرده هوا افلاسلیگی کوپهیگن و کیچه تاماندن اویدن چیقسنگیز بیر متر اوزاقلیکنی کوریب بولمهیدی و مسئول ادارهلردن بوتوغریده دقت قیلیب و بو قیینچیلیکنی حل اېتیشلرینی اېستهیمیز.»
یشش محیطنی سقلش ملی ادارهنینگ معلوماتی اساسیده، بو اداره اوتگن اوچ ییلدن کوپراقده هوا افلاسلنیشی آلدینی آلیش مقصدیده، مملکتده ۵۰۰ کیشی اوچون اوچ مینگ آگاهیلیک بیریش برنامه اوتکزگن.
