سوریهنینگ وقتینچهلیک جمهور باشلیغی احمد الشرع، امریکا تشقی ایشلر وزیری مارکو روبیو بیلن اوچرهشیب، ترورچیلیککه قرشی کورهش و سوریه ده یوقالگن امریکا یشاوچیلری تقدیری توغریسیده صحبت قیلگنلر.
امریکا تشقی ایشلر وزیرلیگی بیر بیانیه ترقهتیش بیلن اعلام قیلیشیچه، ایکی تامان اوتگن کون (۳۱-سنبله، دوشنبه)، نیویارک ده اوچرهشگنلر.
بیانیهده کیلیشیچه، مارکو روبیو دمشققه قرشی تحریملردن بیر بولیمی کمهیشی اساسیده امریکا جمهور باشلیغی دونالد ترامپنینگ قراریدن کیین، برقرار و مستقل سوریهنینگ یرهتیش امکانیتیگه تاکید قیلگن.
امریکا تشقی ایشلر وزیرلیگینینگ بیانیهسی اساسیده، منطقه خوفسیزلیگی تامینلنیشیده سوریه-اسرائیل علاقهسی اورنی تیکشیریلیشی، ترورچیلیککه قرشی کورهش توغریسیده همکارلیکلر و یوقالگن امریکا یشاوچیلرینی تاپیش مقصد سعیوحرکت، مذاکرهدهگی اصلی موضوعلردن ایکن.
احمد الشرع، یکشنبه شام چاغی بیرلشگن ملتلر تشکیلاتی عمومی مجمعسی ییغیلیشیگه شرکت قیلیش اوچون نیویارککه کیتگن. قریب ۶۰ ییلدن کیین بیرلشگن ملتلر تشکیلاتینینگ یوقاری سطحدهگی ییغیلیشیگه حضوری تاپهدیگن سوریهنینگ بیرینچی رهبری دیر. سونگی مرته ۱۹۶۷-ییلده سوریه جمهور باشلیغی عمومی مجمعگه شرکت قیلگن.
