پاکستان پایتختی اسلام‌آباد ده افغانستان ایلچی‌خانه‌سی‌نینگ اعلام قیلیشیچه، اوشبو مملکت‌ده‌گی افغانستان‌لیک قاچقینلر هیچ قنده‌ی سیاسی فعالیت یا-ده جنایی واقعه گه اره‌لشمه‌یدی.
مذکور ایلچی‌خانه، بوگون اوز اکس صحیفه‌سیده بیر بیانیه آرقه‌لی یازیشیچه، پاکستان ده‌گی ناراضلیک نمایشلر گه افغانستان‌لیک قاچقین‌لر‌نینگ قولی بارلیگی خصوصیده اوشبو مملکت رسمی‌لری‌نینگ سونگی بیاناتی خواطرلنتیرووچی و اولر‌نینگ اذیت قیلیش اوچون بیر بهانه دیر.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه: «پاکستان ده‌گی افغانستان‌لیک قاچقینلر دایم تینچ شکلده حیات کیچیریشگن و بو مملکت اقتصادی‌ده ایجابی حصه قوشگن؛ افغانستان‌لیک قاچقینلر هیچ قچان سیاسی یا-ده عمومی ناراضلیک نمایشلر گه قوشیلیش ایستمه‌یدیلر.»
اسلام‌آباد ده افغانستان ایلچی‌خانه‌سی‌نینگ کوپه‌یتیریشیچه، بو کبی بیانات پاکستان فایده‌سی گه ایمس و ایکی مملکت آره‌سیده ایشانچ‌سیزلیکنی کوپه‌یتیره‌دی.
مذکور ایلچی‌خانه پاکستان‌دن، افغانستان‌لیک قاچقینلر گه نسبت ایشانچ‌سیزلیک محیطی شکللنیشی و ایکی مملکت آره‌سیده‌گی مناسبت‌لرگه زیان ییتیشیشی‌گه رخصت بیرمسلیک‌نی ایسته‌گن.
بیزلرنینگ فیسبوک صحیفه‌میزگه باش اورینگ!
بوندن آلدین پاکستان‌لیک رسمی‌لر، افغانستان اهالی‌سیدن قطاری‌نینگ بو مملکت ناراضلیک نمایش‌لری گه شرکت قیلگنلرینی اعلام قیلگن ایدیلر.
اسلام‌آباد پولیس قوماندانی سید‌نصیر علی رضوی، اوتگن هفته پاکستان ده بولگن ناراضلیک نمایش‌لرگه شرکت قیلیش سبب، مینگلرچه کیشینینگ قولگه آلینگنی و اولر آره‌سیده ۵۶ کیشینینگ افغانستان‌لیک قاچقین بولگنی نی اعلام قیلگن.
