سلام‌وطندار ۲۶ عیال مدافع وکیل بیلن اوتکزگن صحبتیده، اولر جمهوریت توزومی قوله‌شیدن کیین، خوفسیزلیک تهدیدلر و اقتصادی قیینچیلیک‌لر بیلن روپه‌ره بولگن‌لرینی معلوم قیلگنلر. مذکور ۲۶ عیال مدافع وکیل دن ۱۹ ته‌سی، خوفسیزلیک تهدیدلر باعث بیر جای ده دایمی روشده تیریکچیلیک قیله آلمسلیک‌لرینی ایتگنلر. اوشبو مدافع وکیل‌لردن آلتی ته‌سی افغانستان نی ترک ایتیش گه اولگورگن بولسه ده؛ بیراق باشقه ۱۳ ته‌سی همان افغانستان ده تیریکچیلیک قیلماقده دیر.
اوتگن ایکی ییل ایچیده افغانستان نی ترک ایتیش گه اولگورگن آلتی عیال مدافع وکیل دن اوچ ته‌سی پاکستان، بیرته‌سی ایران و باشقه بیری ایسه تورکیه ده باش پنه تاپگنلر. اولر موکیل‌لری یا که تیزیم اوزگریشیدن کیین قماقخانه‌لردن آزاد بولگنلر تامانیدن تهدید بولیش و اقتصادی قیینچیلیک نی، مملکت نی ترک ایتیش دلیلی عنوان قیله‌دیلر.
سابق حکومت ده آلتی ییل مدافع وکیل صفتیده مدنی، تجارتی، جزایی، تروریستی، بنگی‌وار ماده‌لر و عیاللر گه قرشی زوروانلیک نی قضاوت قیلگن نورسما گه کوره، توزوم اوزگریشیدن کیین قماقخانه‌لردن آزاد ایتیلگن‌لر تامانیدن هردایم تهدید و بیزاوته بولگن.
او نینگ کوپه‌یتیریشیچه: «جمهوریت تیزیمیده موکیل‌لریمیز نینگ قضیه‌لرینی قضاوت قیلگن ایدیک، دوسیه‌لری زیان‌لری یکونلنگن زندانی بولگن یا که بولمه‌گن‌لر بیزنی تهدید و بیزاوته قیلدی، حتا بعضی‌لری طالبلر گه رقم‌لریمیزنی بیریش بیلن تهدید و حقارت قیلدیلر.»
بیزلرنینگ فیسبوک صحیفه‌میزگه باش اورینگ!
سابق حکومت ده بیش ییل، عیاللر گه قرشی زوروانلیک، بگرام قماقخانه‌سی گه عاید جرم‌لر و قتل قضیه‌لرینی وکالت قیلگن مدافع وکیل زهره عزیزی نینگ ایتیشیچه: «تیزیم اوزگریشیدن کیین برچه قماقخانه‌لردن خطرلی محبوس‌لر قوییب یوباریلدی، بیز اولر تامانیدن تهدید بوله‌میز.»
افغانستان مدافع وکیل‌لری مستقل اویوشمه‌سی باشلیغی روح‌الله قاری‌زاده نینگ سلام‌وطندار گه ایتیشیچه، جمهوریت توزومی قوله‌شیدن آلدین مذکور اویوشمه نینگ آلتی مینگ فعال اعضاسی بار ایدی، ایکی مینگی عیال مدافع وکیل‌لری ایدیلر که سرپرست حکومت حاکمیتیدن کیین اوشبو اویوشمه عدلیه وزیرلیگی توزولمه‌سیده قوشیلیب و عیال مدافع وکیل‌لری ایش‌سیز بولگنلر.
قاری‌زاده نینگ کوپه‌یتیریشیچه، او نینگ معلوماتی اساسیده عیال مدافع وکیل‌لری حاضر خوفسیزلیک تهدید و اقتصادی قیینچیلیک بیلن روپه‌ره بولیب و یالغیز اولردن بیرقطاری مملکت نی ترک ایتیش گه اولگورگنلر.
اونگه کوره: «حاضر مستقل اویوشمه بیر نهاد یوق بلکه عدلیه وزیرلیگی توزیلمه‌سیده بیر ریاست شکللنگن. عیال مدافع وکیل‌لردن بیرقطاری تهدید بوله‌دیلر، چونکه مدافع وکیل‌لردن بیرقطاری عایله‌وی قضیه‌لرنی وکالت قیلگنلر، دوسیه‌لری زیان‌لری گه یکونلنگن کیشی‌لر قصاص آلیش آرتیده دیر.»
عیال مدافع وکیل‌لر نینگ فعالیت جوازی اوزه‌یتیریلمسلیگی و اولر نینگ ایش‌سیز بولیشی باعث، اولردن بیرقطاری اقتصادی قیینچیلیک بیلن روپه‌ره بولگنلر.
جمهوریت توزومی قوله‌شیدن کیین ایش‌سیز بولگن مدافع وکیل فرشته نینگ سلام‌وطندار گه ایتیشیچه: «مدافع وکیل اوله‌راق بعضی‌لریمیز عایله اعضالریمیز نینگ نفقه‌سینی تأمینلر ایدیک، ایش‌سیز بولیشیمیز بیلن اقتصادی قیینچیلیککه دوچ بولگن‌میز.»
شونینگدیک، جمهوریت توزومی قوله‌شیدن کیین ایش‌سیز بولگن مدافع وکیل‌لردن باشقه بیری وحیده حریر گه کوره: «مملکت ده قالگن عیال مدافع وکیل‌لردن اکثریتی نینگ احوالی اونچه‌لیک یخشی ایمس و حاضر ایریم قیینچلیک‌لر جمله دن اقتصادی، اجتماعی، فرهنگی قیینچیلیک‌لر دوچ دیر، مثال صفتیده وکالت دفتریم یگانه درآمند منبع حسابلنر ایدی یاپیلدی.»
اوشبو گزارش ده اولر بیلن صحبت بولگن عیال مدافع وکیل‌لری نینگ ایتیشلریچه، وکالت جوازینی آلیش یا که جوازلرینی اوزه‌یتیریش اوچون عدلی نهادلر گه مراجعت قیلگنلر، لیکن سرپرست حکومت عدلیه وزیرلیگی تامانیدن اولر گه وکالت جوازی بیریلمه‌ی و حاضر اولر نینگ کیله‌جگی نامعلوم دیر.
کابل دن مستعار اسملی مدافع وکیل آرزو گه کوره: «وکالت جوازینی بیرمه‌دیلر چونکه تیزیم اوزگردی حتا جوازیمیزنی اوزه‌یتیره آلمه‌دیک و حاضر هم جوازیمیز تمدید بولگن یوق.»
بیزلرنینگ توییترده هم تعقیب قیلینگ!
تخار دن مستعار اسملی مدافع وکیل نرگس نینگ ایتیشیچه: «اولر جوازیمیزنی اوزه‌یتیریش گه رخصت بیرمه‌دیلر، چونکه حاضرگی تیزیم ده عیاللر گه هیچ اورین یوق و شرعی هیچ منبع یوق دیر. ولایت‌لر و افغانستان بویلب عیاللر گه کینگ کولمده چیکلاو یره‌تیلیب و حاضرگی تیزیم ده عیال مدافع وکیل‌لر گه هیچ اورین یوق دیر.»
شو بیلن بیرگه، عیال مدافع وکیل‌لردن باشقه بیرقطاری نینگ ایتیشلریچه، خوفسیزلیک تهدیدلر و اقتصادی قیینچیلیک باعث ناقانونی روشده افغانستان ترک ایتیش گه مجبور بولگنلر، بیراق چیت ایل ده هم قیین احوال و تهدید بیلن کون کیچیره‌دیلر.
حاضر ایران ده تیریکچیلیک قیلیب کیله‌یاتگن مدافع وکیل فاضله منصوری نینگ ایتیشیچه: «خوفسیزلیک تهدیدلر باعث مملکت نی ترک ایتیش گه مجبور بولدیم، حتا تیلیفون رقمیم نی اوزگرتیردیم ینه هم تاپیب تهدید قیلدیلر. حتا اویی‌میزنی تاپیب کیریب کیلدیلر، کوپ تهدید بولیشیم اوچون قرینداش‌لریمیز نینگ اوی گه کوچیب باردیم.»
حاضر تورکیه ده تیریکچیلیک قیلیب کیله‌یاتگن مدافع وکیل فتانه حکیمی گه کوره: «ای کاش قانونی روشده مهاجر بولسم ایدی، افغانستان نی ناقانونی روشده ترک قیلدیک، تأسف بیلن اوزیم و عایله اعضالریم کوپ قیینچیلیک‌لرنی باش دن کیچیردیک.»
عین‌حالده، عیال مدافع وکیل‌لردن باشقه بیرقطاری نینگ ایتیشلریچه، امنیتی تهدیدلر و اقتصادی قیینچیلیک‌لر باعث روحی قیینچیلیککه دوچ بولگن‌میز.
مستعار اسملی مدافع وکیل نازیه گه کوره: «روحی قیینچیلیک باعث هر هفته یا که بیر آی ده روانشناس آلدی گه باره‌من، چونکه روحی لحاظ دن احوالیم اوزگرگن.»
مستعار اسملی مدافع وکیل‌لردن باشقه بیری زحل نینگ کوپه‌یتیریشیچه: «اقتصادی قیینچیلیککه علاوه، روحی و باشقه قیینچیلیک‌لر گه چلینگن‌میز.»
برچه‌سی بیلن، سرپرست حکومت عالی محکمه نشرات باشلیغی عبدالرحیم راشد گه کوره، عدلیه وزیرلیگی عیال مدافع وکیل‌لر قنده‌ی فعالیت قیلیش لایحه‌سی اوستیده ایشله‌ماقده دیر.
او نینگ ایتیشیچه: «عیاللر نینگ وکالت مسئله‌سی عدلیه وزیرلیگی گه تیگیشلی دیر، حاضر بیر لایحه اوستیده ایشله‌ماقده‌لر، تصدیق و تصویب بولیشیدن کیین مدافع عیاللر گه رخصت بیریله دیمی یا که یوق عدلیه وزیرلیگی گه تیگیشلی دیر.»
شو بیلن بیرگه، سرپرست حکومت عدلیه وزیرلیگی سوزلاوچیسی انصارالله ابراهیم‌خیل، عالی محکمه ادعاسینی رد قیلیب ایتیشیچه: «دولت اداره‌لریده عیاللر ایشی و تعلیم مسئله‌سی حاضرگچه نامعلوم، افغانستان اسلام امیرلیگی یوقاری مرتبه‌لی رسمی‌لری نینگ قراری دن کیین عدلیه وزیرلیگی اوز نوبتیده اجراآت اساسیده عمل قیله‌دی. سیزلرنی سوال‌لرینگیز گه جواب بو کبی طرح حاضرگچه یوق دیر.»
برچه‌سی بیلن، سرپرست حکومت حاکمیتیدن کیین، عیاللر ایش، تعلیم و تحصیل حقی کبی اجتماعی حقوق‌لریدن محروم بولگنلر و اوشبو حقوق‌لری قچان بیریلیشی همان نامعلوم دیر.