حادثه‌لر گه ییتیشیش بوییچه دولت وزیرلیگی مسئوللری نینگ ایتیشلریچه، هرات ولایتی زنده‌جان تومنی‌ده یوز بیرگن زلزله قربانی‌لری رقمی، ۲۰۵۳ کیشی و یره‌لنگنلر رقمی ایسه ۹۰۰۰ دن آرتیق گه ییتگن.
مذکور زلزله، کوپینچه کیشی نینگ قربان بولگنی سبب، سونگی ییل‌لرده افغانستان ده یوز بیرگن اینگ هلاکت‌لی و کوچلی زلزله عنوان قیلینگن.
بیزلرنینگ «ایکس» ترماغی ده هم تعقیب قیلینگ!
افغانی قیزیل آی جمعیتی، بوگون (یکشنبه، ۱۶-میزان)، اوشبو زلزله نتیجه‌سیده، ۵۰۰دن آرتیق کیشی نینگ اولگنی‌دن خبر بیرگن. بوندن آلدین شنبه کونی ۱۶ کیشی نینگ اولگنی تصدیق‌لنگن ایدی.
طبیعی حادثه‌لر گه ییتیشیش بوییچه دولت وزیرلیگی سوزلاوچیسی محمد عبدالله‌جان نینگ رویترز آژانسی گه ایتیشیچه، حاضرگچه اوشبو زلزله عاقبتیده ۲۰۵۳ کیشی اولیب و ۹۲۴۰ کیشی یره‌لنگن و ۱۳۲۹ اوی ایسه ویران بولگن.
بیزلرنینگ فیسبوک صحیفه‌میزگه باش اورینگ!
بو بیلن بیرگه، رویترز آژانسی هرات ده‌گی دانش اسملی بیر شفاکاردن نقل قیلیب گزارش بیریشیچه، حاضرگچه ۲۰۰دن آرتیق جسد هرات نینگ تورلی کسل‌خانه‌لری گه انتقال بیریلگن که اولردن کوپینچه‌سی نینگ باله‌لر و عیاللر تشکیل بیره‌دی.
ایتیش کیره‌ک که، امریکا نینگ زلزله نی انیقلش اداره‌سی، مملکت غربی‌ده کیت‌مه-کیت تورت زلزله نینگ یوز بیرگنی نی ثبت قیلیب و ایتیشیچه، بیرینچی زلزله اوتگن کون توش‌دن آلدین ساعت ۱۱:۱۱ اطرافیده، هرات ولایتی زنده‌جان تومنی‌ده، ییر نینگ ۱۰ کیلومتر چقورلیگی‌ده یوز بیرگن.
