هندوستان پایتختی ینگی دهلی ده شانگهای همکارلیکلر تشکیلاتی گه اعضا مملکت‌لر خوفسیزلیک کینگشی باش کاتب‌لری نینگ تورت کون‌لیک ییغیلیشی ده، افغانستان نینگ وضعیتی اوستیده بحث ایتیلگن.
مذکور ییغیلیش ده روسیه ملی خوفسیزلیک کینگشی باش کاتبی نیکلای پاتروشف، افغانستان نینگ بحرانلی وضعیتیدن خواطر بیلدیریب ایتیشیچه، افغانستان ده‌گی اوزاق مدتلی سیاسی بحران شانگهای تشکیلاتی گه اعضا مملکت‌لرنی جدی تهدید بیلن روپه‌ره قیلگن.
جناب پاتروشف نینگ ایتیشیچه: «افغانستان وضعیتی دقیق نظارت ایتیلیشی کیره‌ک، اسلام امیرلیگی حاکمیتیدن کیین اوشبو مملکت نینگ وضعیتی آغیرلشگن.»
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا سیاسی تدقیقاتچی نظیراحمد رزاقی گه کوره، دنیا جماعه‌چیلگی بیلن اسلام امیرلیگی نینگ تعامل قیلمسلیگی باعث، افغانستان مذکور ییغیلیش ده چقیریلمه‌گن.
او نینگ سلام‌وطندار گه ایتیشیچه: «افغانستان شانگهای تشکیلاتی نینگ رسمی عضوی دیر؛ بیراق اوتگن بیر یریم ییل ده اسلام امیرلیگی و دنیا جماعه‌چیلیگی ارا قرشی‌لیکلر باعث، جهان اسلام امیرلیگی رهبرلرینی تحریم قیلگن. روسیه و چین اسلام امیرلیگی بیلن یقین علاقه ده بولسه ده، لیکن اوشبو ییغیلیش ده چقیرمه‌گنلر.»
باشقه تاماندن، سیاسی فعال ویس ناصری نینگ ایتیشیچه، مذکور ییغیلیش ده اسلام امیرلیگی چقیریلمسلیگی دن اساسی مقصد، دنیا جماعه‌چیلیگی بیلن تعامل قیلیب و همه شمول حکومت تشکیلی خصوصیده یومشاق‌لیک کورسه‌تیش دیر.
او نینگ کوپه‌یتیریشیچه: «افغانستان اسلام امیرلیگی نظارتی گه اوتگچ، سونگی کنفرانس‌لرده افغانستان دن نماینده چقیریلمه‌گن، اسلام امیرلیگی رسمی‌لری مشروع حکومت تشکیلی و افغانستان خاتین قیزلری نینگ حقوقینی رعایت قیلمه‌گونچه، خلق‌ارا و منطقه‌وی کنفرانس‌لرده چقیریلمسلیکلرینی بیلیش‌لری کیره‌ک.»
برچه‌سی بیلن، اسلام امیرلیگی سوزلاوچیسی نینگ اورین باسرلریدن بلال کریمی گه کوره، بو گَل ییغیلیش‌لرده اسلام امیرلیگی چقیریلیشی گه علاوه، افغانستان ده‌گی واقعیت‌لر گه دقت قیلیش کیره‌ک.
بیزلرنینگ توییترده هم تعقیب قیلینگ!
بلال کریمی نینگ ایتیشیچه: «افغانستان خصوصیده بو گَل ییغیلیش‌لر بعضی وقت‌لر یولگه قوییله‌دی، مملکت ده صلح و ثبات تأمین دیر. ایریم پیت‌لر خواطر بیلدیریله‌دی لیکن هیچ قنقه مدرک یوق. اسلام امیرلیگی حاکمیتیدن کیین بولگن مثبت ایش‌لر تقدیرلنیب، سوداگرلیک و دیپلوماتیک همکارلیک اوچون سعی‌وحرکت بولیشی لازم.»
ینگی دهلی ده هندوستان میزبانلیگی بیلن یولگه قوییلگن اوشبو ییغیلیش تورت کونگچه دوام تاپیب و شونینگدیک، شانگهای تشکیلاتی گه اعضا مملکت‌لر نینگ مدافعه وزیرلری، ینگی دهلی ده ۲۷ و ۲۹ اپریل ده ییغین اوتکزیش‌لری کوتیله‌دی.
