بیلیم‌لر اکادمیهسی مسئوللری، بوگون (دوشنبه، ۱۶-اسد)، دولت نینگ ملت گه حساب بیریش برنامه‌سیده ایتیشلریچه، اوتگن ییل، افغانستان بیلیم‌لر اکادمیه‌سیده ترجمه مرکزی نی ایجاد قیلیش بیلن، ۳۱ علمی اثر نی ترجمه قیلیب و شونینگدیک ۴۶ علمی تحقیقی پروژه نی تکمیل قیلگنلر.
مذکور برنامه‌ده بیلیم‌لر اکادمیهسی نینگ علمی کاتبی رفیع‌الله نیازی نینگ ایتیشیچه، اوتگن ییل اسد آیی‌ده بیلیم‌لر اکادمیهسی نینگ ترجمه مرکزی، ۱۰ ته ترجمان بیلن فعالیت گه باشلگن. «کتاب‌لر ترجمه‌سی پشتو‌دن دری و دری‌دن پشتو گه ایدی و شونینگدیک انگلیسی، عرب و اردو تیل‌لریدن ملی تیل‌لر گه هم ترجمه بوله‌دی. «تاریخ شاهی سلاطین»، «محذن افغانی» و «په اسلام کی د تشبع فلسفه» کتاب‌لری ترجمه بولیب و چاپ بولگن کتاب‌لردن دیر.»
بیزلرنینگ فیسبوک صحیفه‌میزگه باش اورینگ!
بیلیم‌لر اکادمیهسی علمی کاتبی نینگ کوپه‌یتیریشیچه، اوشبو اکه‌دیمیه نینگ ترجمه مرکزیده، حاضر ایسه ۱۵ ترجمان ایش قیلماقده.
باشقه بیر تامان‌دن، بیلیم‌لر اکادمیهسی مسئوللری نینگ ایتیشلریچه، اوتگن ییل ۳۶ مجله چاپ ایتیلیب و ۲۴۶ مقاله هم مذکور مرکز آرقه‌لی نشر بولگن.
جناب نیازی گه کوره، اوتگن ییل ۳۳ جلد کتاب هم چاپ بولگن دیر. «بیلیم‌لر اکادمیه‌سیده ۳۳ جلد علمی و تحقیقی کتاب چاپ بولگن که، جمله‌دن تقسیمات سرحدی و اداری افغانستان در طول تاریخ، آریانا لرغونی افغانستان و تاریخ سلاطین افغانیه نی ایته آله‌میز.»
بیزلرنینگ توییترده هم تعقیب قیلینگ!
بیلیم‌لر اکادمیهسی مسئوللری نینگ ایتیشلریچه، اوتگن ییل‌دن بیری، مذکور اکادمیه آرقه‌لی ۴۶ علمی و تحقیقی پروژه تکمیل بولیب و بو ییل نینگ یکونیگچه، ایش آستیده بولگن ۱۷۰ علمی و تحقیقی پروژه‌دن بیر قطاری نی تکمیل قیلیش گه قرار آلگنلر.
ایتیش کیره‌ک که، بیلیم اکادمیهسی مسئوللری حکومت‌دن جماعه‌ده علمی تحقیق‌لر نینگ کوپه‌یشی اوچون، مذکور مرکز کدرلری نینگ کوپه‌یتیریشلری نی ایسته‌گنلر.
