افغانستان اولاق ملی تیرمه جماعهسی، قزاقستان خلقارا اولاق تورنمنتی (کوکپر) اویینلریده اوچینچی اوریننی ایگهلهدی.
مذکور جماعه، اوتگن شنبه کونی قزاقستاننینگ تورکستان شهریده روسیه بیلن بیللهشیب و افغانستان ۶-۰ حسابی بیلن روسیهگه غلبه قازانگن.
اوشبو یوتوق بیلن، افغانستان برنز مدالی و دنیا بوییچه اوچینچی اوریننی قولگه کیلتیرگن.
افغانستان اولاق ملی تیرمه جماعهسی، قزاقستان خلقارا اولاق تورنمنتی (کوکپر) اویینلریده، مجارستان، مغولستان و روسیه اولاق جماعهلریگه غلبه قازانگن.
ایتیش کیرهک که، خلقارا اولاق مسابقهلری (کوکپر)، قزاقستان میزبانلیگیده ۹ مملکت جملهدن افغانستان، روسیه، مجارستان، مغولستان، ترکیه، ازبیکستان، قزاقستان، چین و تاجیکستان حضوری بیلن اوتکزیلدی.
