افغانستان تینچلیک جریانی بوییچه امریکا خاص نماینده‌سی زلمی خلیلزاد و کیسکین حمایه‌وی کوچلر قومندانی اسکات میلر اوتگن “پنجشنبه” کونی اسلام‌آباد گه باریب پاکستان اردوسی نینگ باش قومندانی جاوید باجوه بیلن اوچره‌شگن.
اسلام‌آباد بوییچه آمریکا ایلچی‌لیگی نینگ بیر خبرنامه آرقه‌لی ایتیشیچه، جناب خلیلزاد و جنرال میلر باجوه بیلن اوتکزگن اوچره‌شوویده افغانستان تینچلیک جریانی شامل اونملی موضوع‌لر خصوصیده صحبت قیلگن.
خبرنامه‌گه کوره، ایکی تامان افغانستانده تینچلیک تامین‌لنیشی خصوصیده قولگه کیلگن تاریخی فرصتدن یخشی شکلده فایدهلنیشنی ایسته‌گن.
خبرنامه‌ده کوپه‌یتیریلیشیچه، اوشبو اوچره‌شووده پاکستان باش وزیری عمران خان نینگ افغانستان‌گه سفر قیلیشی و ایکی مملکت نینگ رابطه‌سی یخشی‌لنیشی خصوصیده هم بحث قیلینگن.
خبرنامه‌گه کوره، ایکی تامان افغانستانده زوروانلیک کمه‌یتیریلیشی اوستیگه تاکید قیلگن.
افغانستان تینچلیک جریانی بوییچه آمریکا خاص نماینده‌سی زلمی خلیلزاد، اوتگن هفته قطر و منطقه‌ده بولگن سفرلری نینگ ینگی دورینی باشلب و بیرینچیدن قطر باشکنتی دوحه‌ده باریب افغانستان دولتی و طالبان هیاتی بیلن اوچره‌شگن.