افغانستان بویوکلر فوتسال ملی تیرمه جماعهسی اسلامی مملکتلر بیردملیک اوینلری دایرهسیده ایکینچی اویینیده ایران فوتسال ملی تیرمه جماعهسی بیلن بیللشهدی.
افغانستان فوتبال فدراسیونی گه کوره، اوشبو بیللشوو، ۱۵-عقرب، پنجشنبه کونی کابل وقتی بیلن توشدن سۉنگ ساعت ۳:۰۰ ده سعودی عربستان میزبانلیگی بیلن ریاض شهریده اۉتکزیلهدی.
افغانستان فوتسال ملی تیرمه جماعهسی، اسلامی مملکتلر بیردملیک اویینلرینینگ ایکینچی گروهیده، اوچ امتیاز بیلن بیرینچی اورینده تورگن.
مملکت اویینچیلری اوشبو مسابقهلرنینگ بیرینچی اویینیده تاجیکستاننی ۹-۵ حسابی بیلن مغلوب قیلدی.
شو بیلن بیرگه ایران فوتسال ملی تیرمه جماعهسی مراکش بیلن اویینده ۲-۲ حسابی بیلن مساوی گه تن بیردی.
بو رقابتلرده سکیز جماعه جملهدن سعودی عربستان، اۉزبېکستان، لیبیا، آذربایجان، ایران، افغانستان، تاجیکستان و مراکش اشتراک اېتیب و ایکی گروهده بیر-بیریگه قرشی بیللشهدی.
اوشبو فوتسال بیللشوولری رسمی طرزده، ۱۳-دن ۳۰-عقرب گه قدر ریاض شهریده دوام تاپیشی کوتیلهدی.
