بلخ ولایتی محلی مسئوللری، سرپرست حکومت ۱۶ موترده یوکلنگن «مرمر تاش»نی اۉزبېکستان سرخان دریا ولایتیده جایلشگن «امام بخاری» زیارتگاهی اوچون ساوغه قیلگنلریدن خبر بیرگنلر.
بلخ حاکمیتی مطبوعات ادارهسی بیر بیانیه ترقهتیب، اوشبو مرمر تاش ۲۳-ثور، سهشنبه کونی سرپرست حکومت ییریک رسمیلری حضوری بیلن، اۉزبېکستاننینگ افغانستان اوچون مخصوص وکیلی عصمتالله ایرگشاوف گه تسلیم بیریلگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بیانیه اساسیده، هر موترده ۳۵۰ تخته تاش آرتیلگن جمعی حجمی قریب ۴۰۰۰ متر مربع بولهدی.
سرپرست حکومت باش وزیرلیگینینگ اداره باشلیغی عبدالواسع خادم گه کوره، بو تاشلر هرات ولایتی چشت تومنی صفتلی کانلریدن قازیب چیریلگن.
خادم، بو ایشنی اسلام عالمی بویوک ییتکچیلریدن بولمیش امام بخاری گه محبت بیلگیسی اتهگن.
شو بیلن بیرگه، اۉزبېکستاننینگ افغانستان اوچون مخصوص وکیلی عصمتالله ایرگشاوف، اسلام امیرلیگینینگ بو ایشیدن منتدارچیلیک بیلدیریب و بو ایکّی مملکت اورتهسیده سیاسی و اقتصادی علاقهلر کېنگهیماقدهلیگینی بیلدیرگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه، اۉزبېکستان هردایم افغانستان بیلن تورلی ساحهلرده مناسبتینی مستحکم قیلیش اوچون سعی-حرکت قیلماقده.
اۉزبېکستان دنیا باشقه مملکتلری کبی اسلام امیرلیگینی هنوزگچه رسمی طرزده تن آلگن بولمسهده، بیراق تورلی ساحهلرده بو حکومت بیلن یقیندن همکارلیک قیلیب کېلهیاتگن مملکتلردن سنلهدی.
