افغانستان فوتبال فدراسیونینینگ اعلام قیلیشیچه، فوتسال ملی تیرمه جماعهسی ویتنام ملی تیرمه جماعهسی بیلن بیللشهدی.
مذکور نهاد، بوگون ایرتهلب (۲۸-جدی، یکشنبه)، فیسبوک صحیفهسیده یازیشیچه، اوشبو بیللشوو توشدن کیین ساعت ۲:۳۰ ده اوتکزیلهدی.
فوتبال فدراسیونی، افغانستان و ویتنام فوتسال تیرمه جماعهلری اویینینینگ ییتکرمهلرده ترقهتیلمهی، اوتکزیلیشینی بیان قیلگن.
بو ایکی جماعهنینگ بیرینچی اورتاقلیک اویینی بولیب و ایکینچی اورتاقلیک اویین ایسه ۲۰-جنوریده اوتکزیلهدی. ۵-دلو افغانستان فوتسال تیرمه جماعهسینینگ رسمی شکلده اندونزیا گه سفر قیلیب و فوتسال بوییچه ۲۰۲۶-آسیا ملتلر کپی بیللشوولریگه شرکت قیلیشی کوتیلهدی. اوشبو بیللشوولر ۷ دن ۱۸-دلو ده اوتکزیلیب و افغانستان فوتسال تیرمه جماعهسی تورتینچی گروهده ایران، سعودی عربستان و مالزیا بیلن بیر گروه ده جایلشگن.
