افغانستان گه اوزبیکستان دن کیله‌دیگن وارداتی برق شرط‌نامه‌سی نینگ تمدید بولیشی‌دن بیر آی اوتگن، بیراق حاضرگچه اوشبو مملکت مذکور شرط‌نامه اساسیده افغانستان نینگ نیازی بولگن برق نی تأمین‌لش گه تیار بولمه‌گن.
کابل ده برشنا شرکتی مسئوللری نینگ بیاناتی اساسیده، اوزبیکستان حاضر ایسه افغانستان نینگ نیازی بولگن برق‌دن ۸۵ الی ۹۰ فایزی نی ارایه قیله‌دی که بو، شرط‌نامه نینگ بیللی بیر شکلده نقض بولگنی نی کورسته‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، برشنا شرکتی سوزلاوچیسی حکمت‌الله میوندی نینگ سلام‌وطندار گه ایتیشیچه، حاضر ایسه مذکور شرکت کابل و باشقه ۱۲ ولایت نینگ نیازی بولگن برق‌دن ۵۵ الی ۶۰ فایزی نی تامین قیله‌آلگن.
عین حالده، اوزبیکستان بیلن واردات شرط‌نامه‌سی تمدید بولگنی‌دن کیین، اوشبو مملکت بیر هفته‌گچه بیر تامانلمه شکلده افغانستان گه صادر بوله‌دیگن برقی نی کامل شکلده کیسیب و کیین ایسه، یشاوچیلر تامانیدن تنقید‌لر نینگ کوپه‌یشی بیلن اوشبو قیین‌چیلیک بیراز حل بولگن.
مکروریان چهار یشاوچیسی آیت‌الله شرق نینگ نینگ ایتیشیچه: «مناسب برقی‌میز یوق، کون هیچ برقی‌میز یوق و کیچه هم سکیز‌دن کیین کیله‌دی. برق یوقلیگی اهالی نی قرانغو بیر حالت‌ده قرار بیره‌دی و برق بولمسه سوو هم یوق.»
شونینگدیک کابل یشاوچیلردن باشقه بیری برق ترقه‌تیلیشی خصوصیده نظم یوقلیگی‌دن شکایت قیله‌دی.
پنج‌صد فامیلی یشاوچیسی همایون نینگ ایتیشیچه: «منطقه‌میزده هیچ بیر قانون یوق. برقی معلوم ایمس. قچان کیلیشی و قچان کیتیشی هیچ بیللی ایمس. بیر کون بیر پیتده کیله‌دی و باشقه کون هم باشقه بیر پیتده.»
بیزلرنینگ توییترده هم تعقیب قیلینگ!
باشقه بیر تامان‌دن، کابل ده دایم و منظم برق یوقلیگی کسبه‌کارلر نینگ ایشی برابریده هم قیین‌چیلیک کیلتیرگن.
شونده‌ی بیرجالده، کابل یشاوچیلریدن حسین پل‌سرخ منطقه‌سیده سلمانی‌سی بار. اونینگ ایتیشیچه، برق یوقلیگی پیتده، ایشی مکمل شکلده فلج دیر.
عین حالده، پایتخت یشاوچی‌لری اوتگن آی‌ده منظم برق بولمه‌گنی پیتده، برق صرفیه پولی نینگ کوپ کیلگنی‌دن شکایت قیله‌دیلر.