افغانستان ساحلی فوتبال ملی تیرمه جماعه‌سی، ۲۰۲۵-آسیا ملتلر کپی رقابت‌لری ایکّینچی اویینیده، ایران برابریده مغلوب بولدی.
اوشبو مسابقه بوگون (۳-حمل، یکشنبه) کابل وقتی بیلن توش‌دن کېین، ساعت ۴:۰۰ ده تایلند میزبانلیگی بیلن اوتکزیلگن.
بیزلرنینگ فیسبوک صحیفه‌میزگه باش اورینگ!
بو مسابقه‌ده، مملکت ملی پوش‌لری ایران برابریده ۱۴-۰ حسابی بیلن مغلوب بولیب و بو رقابت‌لردن حذف بولدی.
اوچینچی گروه‌ده هم، بیرلشگن عرب امیرلیگی اندونیزیا گه ۶-۱ حسابی بیلن غلبه قازاندی. بو نتیجه‌لر بیلن ایران و بیرلشگن عرب امیرلیگی صعود و افغانستان همده اندونیزیا حذف بولدی.
مملکت ساحلی فوتبال ملی پوش‌لری ۲۰۲۵-آسیا ملتلر کپی رقابت‌لری بیرینچی اویینیده، بیرلشگن عرب امیرلیگی جماعه‌سی برابریده، ۷-۱ حسابی بیلن مغلوب بولگن اېدی.
بیزلرنینگ «ایکس» ترماغی ده هم تعقیب قیلینگ!
افغانستان ساحلی فوتبال ملی تیرمه جماعه‌سی اوشبو هفته سه‌شنبه کونی، اندونیزیا جماعه‌سی بیلن بیللشه‌دی.
۲۰۲۵-آسیا ملتلر کپی ساحلی فوتبال رقابت‌لری، آسیالیک ۱۶ جماعه حضوری بیلن تورت گروه‌ده تایلند ده اوتکزیلماقده و اوشبو ییل ۱۰-حمل گه قدر دوام تاپیشی کوتیله‌دی.
