اسلام امیرلیگی صناعت و سودا وزیرلیگی گه کوره، اوشبو وزیرلیک اورین باسری احمدالله زاهد، اۉزبېکستان پایتختی تاشکینت گه قیلگن سفری دایرهسیده بو مملکت صناعت، سرمایه یاتقیزیش و سودا وزیرلیگینینگ معینی بیلن اوچرهشیب افغانستان و اۉزبېکستان اورتهسیده اقتصادی مناسبت کېنگهیشی و سودا آلیش-بیریش قیینچلیکلری حل اېتیلیشی حقیده بحث اېتگنلر.
اوشبو وزیرلیک، ۱۰-ثور، چهارشنبه کونی ایکس صحیفهسیده ترقهتگن بیانیهده، ایکّی تامان یقینده قۉشمه سودا مرکزی آچیلیشی اوچون کېلیشگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بو اوچرهشووده زاهد جنابلری، کابل و تاشکینت قۉشنیچیلیکلری یانیده یقین اقتصادی علاقهلری بولیب و بوتوغریده همکارلیکلر کېنگ مقیاسده آشیریلیشی اوستیگه تأکید اېتگن.
اۉزبېکستان تامانیهم، اوشبو مملکت صناعت و سودا وزیری باشچیلیگیده بیر هیئت، بو ایکّی مملکت اورتهسیدهگی اقتصادی مسئلهلر حقیده بحث اېتیش اوچون می آییده کابل گه سفر قیلیشی حقیده خبر بیرگن.
بیزلرنینگ «ایکس» ترماغی ده هم تعقیب قیلینگ!
احمدالله زاهد، اوشبو هفته یکشنبه کونی خلقارا کورگزمهده اشتراک اېتیش، افغانستاننینگ اۉزبېکستان دهگی سوداگرلرینینگ قیینچیلیکلرینی حل قیلیش و اقتصادی همکارلیکلرنی کېنگهیتیریش مقصدیده، تاشکینت گه بارگن.
